Autoridade suku Beco husu koloka pesoál saúde iha Haemanu

KOVALIMA, 27  Outubru 2025 ( TATOLI) – Xefe Suku Beco, Arlindo Bernardino Lemos, husu ba Servisu Munisípiu Saúde Kovalima atu koloka pesoál saúde hodi halo atendimentu ba komunidade iha Aldeia Haemanu, Suku Beco, Postu Administrativu Suai, Munisípiu Kovalima.

“ Atu lakohi abandona fasilidade saúde ne’ebé maka ita-nia  Governu konstrui  mak servisu saúde Kovalima koloka pesoál saúde sira halo atendimentu semana ida dala ida ba komunidade sira. Tanba fatin ne’e  ha’u loron no  kalan animál maka nakonu iha laran no nakonu du’ut”, Xefe Suku Beco Arlindo Bernardino Lemos hato’o , iha salaun AMC Kovalima.

Hatan ba preokupasaun ne’e , Diretór Servisu saúde Munisípiu Kovalima, Domingos Sequiera, afirma katak Aldeia Haemanu pesoál saúde halo de’it atendimentu mobile klinika tanba suku Beco estabelese ona postu saúde iha Gala no Beco.

“ Ha’u hakarak dehan suku Beco iha nia fasilidade saúde rua maka hanesan postu saúde iha Beco no postu saúde iha Gala” , nia esplika.

Prosesu atendimentu pesoál iha mobile klinika kritéria mak kada fulan-fulan maibe depende haree  ba kazu bainhira kazu moras ruma sa’e maka’9as pesoál saúde sira bele halo kedas atendimentu ba komunidade sira.

Jornalista:Celestina Teles

Editór:Florencio Miranda Ximenes