Saúde Kovalima submete relatóriu manutensaun ambulánsia multifunsaun ba MS
KOVALIMA, 27 Outubru 2025 ( TATOLI) – Servisu Saúde Munisípiu Kovalima, submete ona relatóriu ba Ministériu Saúde (MS) atu halo manutensaun karreta ambulánsia Muntifunsaun ho xapa mátrikula G 07088 ne’ebé maka baku fila iha Kampung Baru, Postu Administrativu Zumalai, Munisípiu Kovalima.
“Kona-ba kareta ambulánsia Muntifunsaun foin lalais baku fila iha postu administrativu Zumalai to’o ohin loron seidauk halo manutensaun. Ha’u nia dever maka submete relatóriu ba Autoridade Kovalima no Ministériu Saúde”, Diretór Servisu Saúde Munisípiu Kovalima Domingos Sequeira dehan ba Jornalista sira iha AMC.
Dirijente Saúde Kovalima ne’e dehan, Saúde Kovalima submete ona relatóriu no karreta ambulánsia Multifunsaun lori ona ba nasionál bainhira maka atu halo manutensaun nia prosesu ida-ne’e desizaun husi Ministériu saúde (MS)
Tuir dadus husi Servisu Saúde Munisípiu (SSM) Kovalima, transporte ne’ebé maka uza koloka kada fasilidade saúde, pesoál saude sira uza hodi presta sira-nia servisu maka hanesan karreta ambulánsia Multifunsaun sia husi ne’e ualu maka di’ak no aat ida. Kareta operasionál lima husi númeru ne’e tolu di’ak no aat rua. Motorizada 87 husi númeru 55 di’ak no aat 32 .
Fó hanoin fali katak, Karreta Ambulánsia multifunsaun hetan baku iha loron 16 Febereiru 2025 , maizumenus iha tuku 11:00 kalan bainhira motorista karreta ambulansia transporta pasiente emerjénsia husi postu Zumalai mai iha Ospitál referál Suai.
Jornalista:Celestina Teles
Editór :Florencio Miranda Ximenes
