Aldeia 133 iha territóriu asesu ona liña eletrisidade iha 2025
DILI, 06 Novembru 2025 (TATOLI)—Ministru Obra Públika (MOP), Samuel Marçal, hateten Suku hamutuk 62 no aldeia 133 iha teritoriu tomak aseu ona ba lina elétrika iha tinan 2025.
“Iha tinan ida-ne’e suku hamutuk 62 no aldeia 133 mak aseu ona ba liña elétrika. Hein de’it inaugura iha tinan ida-ne’e nia laran,” Samuel Mendonça hateten iha ebate Orsamentu Jerál Estadu (OJE) 2026 faze jeneralidade iha Parlamentu Nasionál, ohin.
Nia dehan, ba tinan oin sei kontinua dada liña eletrisidade ba aldeia sira-ne’ebé seidauk asesu liña eletrisidade hamutuk 183 ne’ebé sei akomula ba pakote 61.
“Konkursu ba prosesu aprovizionamentu la’o ona. Iha fulan-Janeiru 202, ita bele asina ona kontratu no ba oin projetu bele la’o ona,” nia hateten.
Nia hatutan, Governu nia meta iha tinan 2026 ne’e, aldeia hotu iha territóriu nasionál ne’e bele asesu ona ba liña eletrisidade.
“Bainhira aldeia hotu asesu ona liña eletrisidade mak hamenus ona problema dehan eskola balun enerjia elétrika laiha inklui Postu Saúde sira,” nia dehan.
Entretantu, orsamentu 2026 ba MOP hamutuk $237.108,892, no husi orsamentu ne’e aloka ba saláriu vensimentu hamutuk $7.354,614, bens servisu hamutuk $17.274,303, transferensia públika hamutuk $192.918,321, kapitál menór hamutuk $5.250,000, kapitál dezenvolvimentu hamutuk $77.311,654.
Jornalista : Hortencio Sanchez
Editór : Cancio Ximenes
