DILI, 06 Novembru 2025 (TATOLI)–Inspetór Jerál Saúde Gabinete Inspesaun no Auditoria Saúde (GIAS) iha Ministériu Saúde, Horacio Fernandes Ribeiro, hateten husi Janeiru to’o Setembru ekipa GIAS halo ona inspesaun ba unidade saúde privada 101 no ida mak fó sansaun koima tanba rai fali medikamentu ne’ebé mak liu ona prazu.
“Sansaun ka koima ne’ebé ami fó sira-ne’e sira selu direta ba kofre Estadu husi banku ne’ebé ami mós laharee osan ne’e, maibé direta ba banku ho totál $500,” nia dehan ba jornalista sira iha Kaikoli, ohin.
Nia inform. klinika privada ida-ne’ebé hetan koima husi klinika laboratóriu usi munisípiu Baukau.
“Ita labele fó sai klinika ne’e nia identidade ho loloos, tanba ema nia privasidade. Ho nune’e, ami halo notifikasaun deit depois sira selu banku no foti medikamentu. Sira-ne’ebé liu ona prazu ba halo distriusaun,” nia informa.
Nia relata, sira halo ona inspensaun ba estabelesimentu klinika privada 101 iha munisípiu hitu (7), ho nune’e iha munisípiu Baukau ida mak selu koima.
“Munisípiu ida-ne’ebé ita halo inspensaun ba mak munisípiu Baukau, Dili, Bobonaru, Oekusi, Kovalima, Lautein no Vikeke,” nia haktuir.
Nia informa, husi inspensaun ne’ebé sira halo ne’e barak-liu iha klinika privada retallu 66 no importadora sia restante husi estabelesementu laboratóriu, dentaria, maternidade no seluk tan.
Jornalista : Felicidade Ximenes
Editór : Cancio Ximenes
