KOVALIMA, 17 Novembru 2025 (TATOLI)- Fundasaun Fini Esperansa (FFE) fó prióridade ba programa prinsipál tolu hanesan, promove foos lokál, promove gropu peskadór ne’ebé profisionál no promove ai-han lokál integradu no orgániku iha munisípiu Kovalima.
“Programa tolu ne’ebé maka ami implementa iha munisípiu Kovalima hatudu nia rezultadu hanesan programa prodús no faan ona foos lokál tonelada 24,7 iha merkadu lokál no nasionál liuhUsi online no offline”, Funsionáriu Fundasaun Fini Esperansa, Yeni de Jesus Amaral aprezente ba autoridade Kovalima iha salaun AMC, ohin.
Prosesu faan foos lokál liuhusi via online, tanba husi nasionál bainhira atu sosa foos lokál liuhusi mídia sosiál, faan liuhusi offline ba komunidade sira sosa direta iha fundasaun fini esperansa.
Programa promove grupu peskadór ne’ebé sira hetan redimentu kada loron hetan minimu $50, másimu $150, ne’ebé daudaun-ne’e sira iha fundu orsamentu hamutuk $1.920, 050 husi rendimento peska ho 20%.
Aleinde ne’e rezultadu husi programa ortikultura hanesan Kuda Modo, ai-fuan, haki’ak fahi,manu,bibi ho habokur karau iha grupu Halos sei iha prosesu ne’ebé daudaun-ne’e on goin hela.
Durante ne’e, Fundasaun implementa programa prinsipál sira ne’e hasoru dezafiu sira hanesan produsaun foos lokál iha merkadu, maibé stock menus tanba foos mai husi agrikultór sira menus.
Tuir Planu Fundasaun Fini Esperansa sei estabelese sentru prosesamentu foos lokál iha suku Tashilin, postu administrativu Zumalai, estabele grupu peska foun iha Suku Suai Loro, iha postu administrativu Suai no foku ba ai-han lokál orgániku Integradu iha Suku Maudemo, Postu Administrativu Tilomar.
Fundasaun Fini Esperansa (FFE) mós rekomenta ba Governu presiza tau atensaun maka’as ba área agrikultura espesiál ba iha área natar no tasi .
Bazeia ba dadus ne’ebé fó sai husi , Xefe Departamentu Programa Estensaun Agrikola, Filomeno Saldanha, dehan produsaun hare kulit husi agrikultór sira iha 2025 ne’e atinje tonelada 3,013.
Razaun agrikultór hasa’e produsaun makaas tanba iha Kovalima 2025 ne’e halai natar hamutuk ektare 2,785 mai husi postu administrativu Suai, iha natar ektare hamutuk 636, Zumalai ektare 2.080,Tilomar ektare 11 no Fatumea iha ektare 58
Ho totál natar ektare 2,785 kada ektare agrikultór sira hasa’e produsaun natar tonelada 3,5, nune’e husi postu administrativu haat ne’e produsaun komodite hare kulit hamutuk tonelada 3.013.
Jornalista: Celestina Teles
Editór : Florencio Miranda Ximenes
