DILI, 17 Novembru 2026 (TATOLI) – Ministériu Saúde (MS) kontinua prioriza estabelesimentu sentru kadíaku iha Lahane, munisípiu Dili.
Ministra Saúde, Elia Amaral, informa preparasaun sira la’o hela ba instalasaun sentru ne’e.
“Ami hanoin atu halo iha ospitál Lahane, tanba ita hein apoiu husi parseiru balun atu nune’e bele eleva prestasaun, ita hatene katak ekipamentu ne’ebé atu mai daudaun iha sentru kardíaku ne’e rasik, ba iha teknólojia avansadu tebes, hanoin ita presiza hadi’a didi’ak iha ospitál Lahane, atu nune’e ita bele haree ba instalasaun ne’ebé iha tempu barak realiza iha ospitál Lahane,” nia hato’o hodi responde preokupasaun deputadu sira-nia iha debate proposta Orsamentu Jerál Estadu (OJE) 2026 iha faze espesialidade iha Parlamentu, ohin.
Deputada PLP, Maria Angelina Sarmento Lopes, husu fó prioridade investimentu liuliu atu installa ona sentru kadíaku ne’e nesesita duni hodi bele fó prestaun atendimentu di’ak liután ba povu tanba durante pasiente barak ho moras kankru, kardiolójia kontinua haruka ba rai-li’ur ho kustu boot.
Notísia relevante : Orsamentu millaun $14.127 ba Ministériu Justisa aprovadu iha espesialidade
Jornalista: Nelson de Sousa
Editór: Evaristo Soares Martins
