Orsamentu millaun $22.266 ba MAE aprovadu iha espesialidade

November 17, 2025
11:59 PM
Facebook Instagram X WhatsApp Telegram

*Votasaun espesialidade ba Proposta-Lei Orsamentu Ministériu Finansas, iha sala Plenária Parlamentu Nasionál, Segunda (17/11/2025). Imajén TATOLI/Franciaco Sony*

DILI, 17 Novembru 2025 (TATOLI)–Parlamentu Nasionál aprova proposta Orsamentu Jerál Estadu (OJE) 2026 ba Ministériu Administrasaun Estatál (MAE) ho montante $22.266.888 iha espesialidade ho votu afavor 42, kontra lima (5) no abstensaun 18.

“Orsamentu ba Ministériu Administrasaun Estatál pasa,” Prezidente Parlamentu Nasionál Maria Fernanda Lay hateten bainhira ramata votasaun ba orsamentu MAE nian iha Parlamentu Nasionál, ohin.

Totál orsamentu hamutuk $22.266.888 ne’e fahe ba saláriu no vensimentu hamutuk $8.944.903, bens servisu hamutuk $10.760.280, transferensia públika hamutuk $2.203.705, kapitál menór hamutuk $358.000 no kapitál dezenvolvimentu zero.

Entretantu programa kona-ba desentralizasaun poder lokál ne’e, saláriu no vensimentu hamutuk $1.018.787, bens servisu hamutuk $494.000, transferensia públika hamutuk $1.050.000, kapitál menor zero, kapitál dezenvolvimentu zero ho totál, $2.562.787.

Programa kona-ba funsionamentu no dezenvolvimentu institusionál ne’e, saláriu no vensimentu hamutuk $6.527.848, bens servisu hamutuk $9.343.280, transferénsia públika hamutuk $1.153.705, kapitál menor hamutuk $151.000, kapitál dezenvolvimentu zero ho totál hamutuk $17.175.833.

Programa kona-ba inkluzaun sosiál ne’e, saláriu no vensimentu zero, bens servisu hamutuk $65.000, transferensia públika zero, kapitál menor zero, kapitál dezenvolvimentu zero ho totál $65.000.

Programa kona-ba Toponímia no Organizasaun Urbana ne’e, saláriu no vensimentu hamutuk $304.763, bens servisu hamutuk $280.000, transferensia públika zero, kapitál menor zero, kapitál dezenvolvimentu zero ho totál hamutuk $584.763.

Programa kona-ba dezenvolvimentu lokál ne’e, salariu vensimentu hamutuk $274.580, bens servisu hamutuk $254.000, transferánsia públika zero, kapitál menor zero, kapitál dezenvolvimentu zero ho totál hamutuk $528.580.

Programa kona-ba reforma administrasaun lokál no simplifikasaun administrativu ba Governu lokál ne’e, saláriu no vensimentu hamutuk $818.925, bens servisu hamutuk $324.000, transferénsia públika zero, kapitál menor hamutuk $207.000, kapitál dezenvolvimentu zero ho totál hamutuk $1.349.925.

Jornalista : Hortencio Sanchez

Editór : Cancio Ximenes