KOVALIMA , 19 Novembru 2025 ( TATOLI)- Internasionál Committee of the Red Cross Office in Timor-Leste ( ICRC), fasilita formasaun primeiru sukorru, durante loron rua ba Polísia Nasionál Timor-Leste (PNTL) iha Munisípiu Kovalima.
“Formasaun ba ohin loron ne’e ita foku ba primeiru sukorru sai importante, nune’e ami matein diálogu ho ita-boot sira ho forsa armada sira hanesan lei uminitária ba internasionál hanesan polisiamentu internasionál”, Reprezentante Misaun Krùs Vermella Internasionál (ICRC) iha Timor Leste, João Martins Alves, dehan ba jornalista sira, iha salaun edifísiu CVTL Kampung-Baru, ohin.
Formasaun ba primeiru sukorru sai hanesan papel importante ba PNTL sira tanba iha prinsipiu umunitáriu sempre hala’o servisu umanitáriu iha implementasaun maka hanesan ba primeiru sukorru
Koordenadór CVTL Filiál Kovalima, Simplicio Perreira reforsa ,Crús Vermella Timor-Leste hamutuk ho Internasionál Committee of the Red Cross Office in Timor-Leste ( ICRC) hodi fasilita formasaun ba PNTL
“Krús vermella Timor-Leste hamutuk ho Internasionál Committee of the Red Cross Office in Timor-Leste ( ICRC) hodi fasilita formasaun kona-ba primeiru sukorru oinsá bele iha koñesementu di’ak liu nune’e bele ajuda ema ne’ebé maka presiza ajuda”. nia dehan.
Iha fatin hanesan, Reprezentante Komandante PNTL Munisípiu Kovalima, Superintendente Asistente Herminio de Jesus Ferreira, dehan formasaun ne’e importante atu aumenta PNTL nia esperénsia kona-ba atendimentu primeiru Sukorru.
“formasaun ne’e di’ak ba ita, nune’e PNTL tenke ativa tuir formasaun hodi aumenta ita nia koñesementu, nune’e bele aplika iha tereñu nune’e bainhira hetan sidadaun sira hetan asidente ruma bele halo atendimentu primeiru sukorru”,nia afirma.
Jornalista: Celestina Teles
Editór : Florencio Miranda Ximenes
