DILI, 19 Novembru 2025 (TATOLI)—Proposta Orsamentu Jerál Estadu (OJE) 2026 ba instituisaun Falintil-Forsa Defeza Timor-Leste (F-FDTL) ho montante $34.600.530 pasa iha faze espesialidade ho votu afavór 50, kontra 0 (zero) no abstensaun 15.
“Orsamentu ba instituisaun F-FDTL nian pasa,” Prezidente Parlamentu Nasionál Maria Fernanda Lay, hateten bainhira termina votasaun.
Husi orsamentu ne’e fahe ba salariu bensimentu hamutuk $18.734.070, bens servisu $15.666.460, transferensia públika zero, kapitál menor $200.000, kapitál dezenvolvimentu zero.
Iha livru OJE 2026, F-FDTL iha programa defeza nasionál ne’e ho salariu no vensimentu 0 (zer)o, bens servisu $13.929.588, transferénsia públika 0 (zero), kapitál menor $200.000 no kapitál dezenvolvimentu 0 (zero) ho totál hamutuk $14.129.588.
Programa funsionamentu no dezenvolvimentu institusionál ne’e ho saláriu no vensimentu $18.734.070, bens servisu $$1.706.872, transferénisa públika 0 (zero), kapitál menor 0 (zero), kapitál dezenvolvimentu 0 (zero) ho totál hamutuk $20.440.942.
Programa inkluzaun sosiál ne’e ho saláriu no vensimentu 0 (zero), bens servisu 30.000, transferénsia públika 0 (zero), kapitál menór 0 (zero), kapitál dezenvolvimentu 0 (zero) ho totál hamutuk $30.000.
Entretantu, diskusaun ba orsamentu F-FDTL nian laiha proposta adisionál ho nune’e laiha diskusaun naruk husi deputadu sira.
Jornalista : Hortencio Sanchez
Edotór : Cancio Ximenes
