Orsamentu ba Inspesaun Jerál Estadu aprovadu iha espesialidade
DILI, 19 Novembru 2025 (TATOLI)—Parlamentu Nasionál aprova proposta Orsamentu Jerál Estadu (OJE) 2026 ba Inspesaun Jerál Estadu (IJE, sigla portugés) ho montante rihun $986.304 iha espesialidade ho votu afavór 43, kontra 0 no abstensaun 22.
Orsamentu ne’e aloka ba saláriu no vensimentu $566.053, bens servisu $312.301, transferénsia públika 0, kapitál menór $107.950 no kapitál dezenvolvimentu 0.
Iha livru OJE 2026 nian, Inspesaun Jerál Estadu (IJE) iha programa prioridade ida (1) no sub-program rua (2).
Ba programa prioridade hanesan funsionamentu dezenvolvimentu institusionál ne’e prevee osan $986.304 no subprogram funsionamentu institusionál ne’e prebee osan $61.600 no dezenvolvimentu institusionál prevee osan $924.704.
Enkuantu durante prosesu diskusaun OJE 2026 ba IJE nian laiha proposta husi proponente bankada Governu tantu bankada opozisaun nian no mós laiha pedidu esklaresimentu ruma hudi deputadu sira, tamba diretamente kedas ba prosesu votasaun.
Jornalista : Alexandra da Costa
Editór : Cancio Ximenes
