DILI, 19 Novembru 2025 (TATOLI)—Parlamentu Nasional aprova proposta Orsamentu Jerál Estadu (OJE) 2025 ba Servisu Nasionál Intelijénsia (SNI, sigla portugés) ho montante $2.972.196 iha espesialidade ho votu afavor 42, kontra 0 no abstensaun 22.
Orsamentu ne’e aloka ba saláriu no vensimentu $1.233.853, bens servisu $1.278.723 no kapital menór $459.620.
Tuir livru OJE 2026 nian, ne’ebé aloka ba Servisu Nasionál Intelijénsia (SNI) ne’e ba programa prioridade rua (2) mak hanesan funsionamentu dezenvolvimentu institusionál prevee $1.132.127 no seguransa nasionál hamutuk $1.840.069, no husi programa ne’e sei fahe ba sub-programa tolu (3).
Durante prosesu diskusaun OJE 2026 ba SNI nian laiha proposta husi proponente bankada Governu tantu bankada opozisaun nian no mós laiha pedidu esklaresimentu ruma husi deputadu sira no tama kedas ba votasaun.
Jornalista : Alexandra da Costa
Editór : Cancio Ximenes
