DILI, 19 Novembru 2025 (TATOLI)—Parlamentu Nasionál aprova proposta Orsamentu Jerál Estadu (OJE) 2026 ba Polísia Sientífika no Investigasaun Kriminál (PSIK ho montante millaun $2.412.301 iha espesialidade ho votu afavór 44, kontra 0 (zero) no abstensaun 20.
Orsamentu ne’e aloka ba saláriu no vensimentu $1.351.538, bens servisu $810.763, transferénsia públika 0 (zero), kapitál menór $250.000 no kapitál dezenvolvimentu 0 (zero).
Iha livru OJE 2026 nian, PSIK iha iha programa prioridade rua (2) no sub-program rua (2).
Programa prioridade asesu justisa ne’e prevee osan hamutuk $2.159.168 no programa funsionamentu dezenvolvimentu institusionál prevee rihun $253.133.
Durante prosesu diskusaun OJE 2026 ba PSIK nia orsamentu ne’e, laiha proposta husi proponente bankada Governu tantu bankada opozisaun nian nomós laiha pedidu esklaresimentu ruma husi deputadu sira.
Jornalista : Alexandra da Costa
Editór : Cancio Ximenes
