DILI, 19 Novembru 2025 (TATOLI)—Parlamentu Nasionál aprova Orsamentu Jerál Estadu (OJE) 2026 ba Ministériu Planeamentu no Investimentu Estratéjiku (MPIE, sigla portugés) ho montante $4.304.887 iha espesialidade ho votu afavór 41, kontra 0 no abstensaun 21.
Orsamentu ne’e alika saláriu no vensimentu hamutuk $2.229.785, bens servisu hamutuk $1.722.602, transferénsia públika $0, kapitál menór hamutuk $150.000 no kapitál dezenvolvimentu hamutuk $202.500.
Iha livru OJE 2026 nian ne’e haktuir, orsamentu ne’ebé aloka ba MPIE ne’e define programa prioridade hamutuk lima (5) no sub-program hamutuk 11.
Ba programa jestaun finansa públika ne’e prevee $234.550, programa funsionamentu dezenvolvimentu institusionál $2.223.326, programa inkluzaun sosiál $15.300, programa ordenamentu territóriu $974.297 no programa planeamentu investimentu estratéjiku $857.414.
Iha debate espesialidade ba orsamentu Ministériu Planeamentu no Investimentu Estratéjiku (MPIE) laiha proposta alterasaun husi proponente sira no laiha mos pedidu esklaresimentu husi deputada sira.
Jornalista : Alexandra da Costa
Editór : Cancio Ximenes
