PN aprova orsamentu ba CAC-CNE-CI ho votu afavór 42
DILI, 20 Novembru 2025 (TATOLI)—Parlamentu Nasionál aprova proposta Orsamentu Jerál Estadu (OJE) 2026 ba Komisaun Anti Korupsaun (CAC, sigla portugés), Komisaun Nasionál Eleisaun (CNE) no Konsellu Imprensa (CI) iha debate espesialidade ho votu afavór afavór 42 kontra 0 no abstensaun 22.
Orsamentu ba CAC ho montante $2.294.232 ne’e aloka ba saláriu no vensimentu $1.394.805, bens servisu $624.427 no kapitál menor $275.000.
Tuir livru OJE 2026 nian, CAC iha programa prioridade rua (2) mak programa funsionamentu dezenvolvimentu institusionál ne’e prevee $2.010.333 no antí korrupsaun ne’e prevee $283.339, ho ninia subprogram hamutuk hitu (7) ne’e prevee $934.232.
OJE 2026 ba CNE
PN aprova Orsamentu Jerál Estadu (OJE) 2026 ba Komisaun Nasionál Eleisaun (CNE, sigla portugés) ne’e ho montante $8.955.372 ne’ebé aloka ba saláriu no vensimentu $1.234.988, bens servisu $1.143.462, transferénsia públikas $6.017.000, kapitál menor $282.000, kapitál dezenvolvimentu $277.922.
Tuir livru OJE 2026 nian. CNE iha programa prioridade rua (2) mak programa funsionamentu dezenvolvimentu institusionál prevee $2.772.372 no programa integridade administrasaun supervizaun eleitorál prevee $6.183.000, ho ninia subprograma hamutuk neen (6) ho orsamentu hamutuk $6.733.372.
OJE 2026 ba CI
Aleinde ne’e. PN aprova kona-ba Orsamentu Jerál Estadu 2026 ba Conselho de Imprensa (CI) ho montante $853.081 ne’ebé aloka ba saláriu no vensimentu $404.759 no bens servisu $448.322.
Iha livru OJE 2026, CI iha programa prioridade rua (2) mak garante Liberdade espresaun no asesu informasaun ne’e prevee $364.950, programa funsionamentu dezenvolvimentu institusionál prevee $488.131, ho ninia subprograma hamutuk hitu (7) ho orsamentu hamutuk $853.081.
Jornalista : Alexandra da Costa
Editór : Cancio Ximenes
