DILI, 20 Novembru 2025 (TATOLI)—Parlamentu Nasionál aprova proposta Orsamentu Jerál Estadu (OJE) 2026 ba Teknolojia Informasaun no Komunikasaun, Institutu Públiku (TIC, I.P), Fundu Espesiál Dezenvolvimentu Ataúro (FEDA) no Gabinete Fronteira Terrestre no Marítima (GFTM) iha espesialidade ho votu ne’ebé hanesan ho votu afavór 42, kontra 0 no abstensaun 22.
Orsamentu ba Teknolojia Informasaun no Komunikasaun, Institutu Públiku ho montante $1.980.023 ne’e aloka ba saláriu no vensimentu $869.667, bens servisu $660.356 no kapitál menor $450.000.
Iha livru OJE 2026 ne’e haktuir, iha TIC Timor, ne’ebé sei aloka mós ba programa prioridade rua (20 funsionamentu dezenvolvimentu institusionál prevee $1.188.167 no teknolojia informasaun no komunikasaun prevee $791.856, ho ninia sub-program hamutuk hitu (7) prevee 1.980.023.
OJE 2026 ba FEDA
Parlamentu aprova proposta Orsamentu Jerál Estadu (OJE) 2026 ba Fundu Espesiál Dezenvolvimentu Ataúru (FEDA) montante $4.309.401 ne’e aloka ba saláriu no vensimentu $216.844, bens servisu $595.812, transferénsia públikas $500.000, kapitál menor $49.999 no kapitál dezenvolvimentu $2.946.746.
Iha livru OJE 2026 nian, FEDA iha programa prioridade tolu mak funsionamentu dezenvolvimentu institusionál prevee $2.052.655, programa água saneamentu $516.746 no programa infraestrutura konektividade prevee $1.740.000, ho ninia sub-programa hamutuk lima (5) hodi prevee osan hamutuk $4.309.401.
OJE 2026 ba GFTM
Parlamentu aprova proposta Orsamentu Jerál Estadu 2026 ba Gabinete Fronteira Terrestre no Marítima hamutuk $1.902.010 ne’e aloka ba saláriu no vensimentu $570.544, bens servisu $1.101.466 no kapitál menor $230.000.
TUir livru OJE 2026 haktuir, GFTM iha programa prioridade tolu mak asegura fronteira terrestre no marítima ho Idonézia $541.040, funsionamentu dezenvolvimentu institusionál prevee $784.319 no programa promosaun ba ekonómia azúl iha Timor-Leste prevee $576.651, ho ninia sub-programa hamutuk ualu (8) hodi prevee $1.902.010.
Jornalista : Alexandra da Costa
Editór : Cancio Ximenes
