KOVALIMA , 20 Novembru 2025 ( TATOLI)- Servisu Rejistrasaun no Verifikasaun Emprezariál Institutu Públiku (SERVE,I.P) Sukursál Kovalima, durante ne’e rejista emprezáriu Lokál no Internasionál iha sistema hamutuk 2.069.
“Servisu Rejistrasaun no Verifikasaun Emprezariál Institutu Públiku (SERVE,I.P) Sukursál Kovalima ita rejista empreza lokál no Internasionál hamutuk 2.069 hala’o sira-nia atividade husi númeru ne’e empreza”, Koordenadór SERVE,I.P Sukursál Kovalima, Domingos Gavrila Amaral, relata dadus ne’e iha salaun AMC.
Bezeia ba dadus empreza 2.069, husi númeru ne’e kompostu husi empreza Unipesoál, Lda no Lda hamutuk 700-resin, maibé bainhira tuir konkursu públiku iha Administrasaun munisípiu Kovalima empreza hamutuk-44 de’it .
Ho nune’e, empreza sira seluk ne’e tuir konkursu públiku iha ne’ebé no oinsá maka empreza sira ne’e bele fo sira-nia konstruibuisaun ba Kovalima rasik ,tanba ne’e presiza atu haree didiak dadus tanba empreza rejistradu empreza hamutu 2.069.
“Ita presiza atu halo konfirmasaun ba malu dadus empreza sira ne’ebé maka hala’o sira nia atividade iha munisípiu Kovalima hodi fó sira nia kontribuisaun ba Kovalima rasik SERVE,I.P Sukursal Kovalima iha dadus empreza sira hala’o sira-nia atividade iha Kovalima “, nia informa.
Empreza lokál no internasionál ne’ebé maka SERVE Sukursal Kovalima rejista hodi hala’o sira-nia atividade sira hanesan, Emprezara lokal barak liu, iha kontrusaun, maibé mós iha Loja, Agrikultura, peska, pikúaria, mevel, catering, restorante, guest house, importa no exporta sasan no seluk tan.
Jornalista: Celestina Teles
Editór : Florencio Miranda Ximenes
