DILI, 21 Novembru 2025 (TATOLI)–Ekipa futeból femininu Kulugisa derrota ho Maudoko FC iha primeira divizaun Liga Futeból Femininu Timor-Leste (LFFTL) ne’ebé hala’o iha Estádiu Munisipál Dili, Sesta ne’e.
Ekipa husi Munisípiu Baukau ne’e iha jornada dalimak sai vítima ba Maudoko FC ho skor boot 0-12 iha-ne’ebé jogu parte dahuluk sofre uluk ona ho golu 0-6 liuhusi golu ne’ebé prodús husi jogadora sira hanesan Anisya Widyawati iha minutu ida (1) no 38, Serene Lopes 9 no 45, Ina Paula 20 no Feni Bins iha minutu 21.
Notísia relevante: Kulugisa FC kontinua sofre golu iha primeira divizaun LFFTL
Iha parte daruak, Maudoko kontinua halo atake hodi rezulta prodús tan golu neen (6) ne’ebé enxe liuhusi penalidade husi jogadora Sonia Lopes 48 inklui 74, Serene Lopes 64, Defi Padria 67, hattrick Anisya iha minutu 84 no Gilzelda iha minutu ikus 90 hodi rezulta tabela skor ho 0-12.
Ho rezultadu jogu entre ekipa rua, eleva S’amuser FC provizoriamente lidera tabela klasifikasaun ho pontu 13, rezultadu manán haat ( no impata ida (1), enkuantu Kulugisa FC kontinua okupa iha zona mean ho klasifikasaun dasanuluk ho pontu 0 hafoin derrota jogu lima (5).
Jornalista: Natalino Belo
Editór: Xisto Freitas da Piedade
