DILI, 12 Maiu 2026 (TATOLI)–Treinadór Selesaun Nasionál Seniór, José Pedro Alves Salazar, hateten halo ona selesaun ba jogadór seniór hamutuk na’in-24 hodi kompete iha jogu kualifikasaun kopa ASEAN Hyundai 2026 ne’ebé Timor-Leste sei kontra Brunei Darussalam iha Juñu 2026.
Notísia Relevante: Jogu TL-Brunei sai sasukat atu deside treinadór Selesaun Nasionál nia destinu
“Joga rua atu hasoru Brunei ne’e importante tebes, nune’e mak ha’u halo ona selesaun ba jogadór hamutuk na’in-24. Sira-ne’e preparadu ona atu enfrenta jogu rua ne’e,” Treinadór ne’e hateten ba jornalista sira iha edifisiu Federasaun Futeból Timor-Leste (FFTL), tersa ne’e.
Nia dehan, Timor-Leste nia jogadór barak joga di’ak maibé defisíl tanba liga rai-laran ladun la’o ho másimu no garantia barak liu ba jogadór sira-ne’ebé joga iha liga estranjeiru, maibé hanesan treinadór kontinua esforsu atu orienta jogadór sira hala’o jogu di’ak kontra Brunei Darussalam.
Jogu kontra Brunei leg primeiru, iha loron 02 fulan-Juñu ne’ebé hala’o iha Estádiu Munisipál Dili, enkuantu leg segundu sei hala’o loron 09 fulan-Juñu iha Brunei Darussalam.
Iha jogu rua ne’e mak Timor-Leste derrota, Brunei ne’e mak iha direitu absoluta avansa ba jogu kopa ASEAN Hyundai 2026, maibé Timor-Leste mak manán, Timor-Leste mak sei avansa ba faze grupu.
Bainhira ekipa rua ne’e ida manán sei avansa automatikamente ba hamutuk ho grupu A ne’ebé kompostu husi, Indonézia, Vietnam, Kamboja no Singapura. Grupu B kompostu husi Thailandia, Laos, Filipina, Malázia no Myanmar.
Lista jogadór husi Timor-Leste mak hanesan,
| JOGADOR | POzISAUN | KLUBE | NASAUN |
| Dylan Niski | GK | Western City Rangers | Austrália |
| Alexandre Quintao | GK | Santa Cruz F.C | Timor-Leste |
| Filonito Nogueira | GK | A.D.SLB | Timor-Leste |
| Filomeno Junior | DF | A.D.SLB | Timor-Leste |
| Ryan Jom | DF | Canterburry B. F.C | Austrália |
| Jackson Fowler | DF | Valentine F.C | Austrália |
| Anizo Correia | DF | A.D. Santo Antonio | Timor-Leste |
| Juvito Moniz | DF | Santa Cruz F.C | Timor-Leste |
| Liam Farrugia | DF | Nunawading F.C | Austrália |
| Eric Silva | DF | A.D Sesimbra | Portugál |
| Santiago Xavier | MF | Karketu Dili F.C | Timor-Leste |
| Claudio Osorio | MF | Cobh Ramblers F.C | Irlanda |
| Amancio S. Araujo | MF | Santa Cruz F.C | Timor-Leste |
| Tristan Arrarte | MF | W.S. Wanderes | Austrália |
| Natalino de J. da Costa | MF | Karketu Dili F.C | Timor-Leste |
| Zenivio Mota | MF | Tanjong Pagar United | Singapura |
| Oatnasio Guterres | MF | Loughgall F.C | Norte Irlanda |
| Olagar Xavier | AV | A.D. Santo Antonio | Timor-Leste |
| Luis Figo Ribeiro | AV | A.D. Santo Antonio | Timor-Leste |
| Gali Freitas | AV | Persebaya Surabaya | Indonézia |
| Joao Rangel | AV | Leiston F.C | Inglaterra |
| Joao Pedro | AV | Kuching City F.C | Malásia |
| Alexandre Corsino | AV | Karketu Dili F.C | Timor-Leste |
| Zion Cruz | AV | Lusitano F.C | Portugál |
Jornalista : Hortencio Sanchez
Editór : Cancio Ximenes
