DILI, 21 Novembru (TATOLI) – Parlamentu Nasionál, liuhusi diskusaun espesialidade aprova ona impostu seletivu konsumu aplikavel iha proposta lei Orsamentu Jerál Estadu (OJE) 2026.
Iha lei OJE 2026 prevista artigu 3 kona-ba impostu, taxa no kontribuisaun, ne’ebé iha númeru 4 hateten, iha 2026, impostu seletivu konsumu aplikavel ba bee, inklui bee minerál no bee gazeifikada, adisiona ho açúcar ou edulcorante ou aromatizada no bebida sira seluk la’ós alkólika, eseptu sumi ai-fuan ou produtu ortikultura, pozisaun 20.9, pozisaun pautál 2202, kada litru $3.
Aplika ba serveja ho alkólika aas 4,5%, pozisaun pautál 2203.00.10, kada litru $2,70. Ba serveja ho alkóliku sira seluk pozisaun pautál 2203.00.20 kada litru $4,50.
Ba tua no bebida fermentada sira seluk, pozisaun pautál 2204.2205 no 2206, kada litru $4,50.
No aplika mós ba tabáku pozisaun pautál 2401. 2402 no 2403 kada kilógrama $50.
Ba automóvel lijeiru pasajeiru pozisaun pautál 8703, 10% valór ne’ebé esede rihun $10,20% ba rihun $25, no 30% ba rihun $50.
Jornalista: Nelson de Sousa
Editora: Maria Auxiliadora
