DILI, 21 Novembru (TATOLI) – Parlamentu Nasionál aprova proposta Orsamentu Jerál Estadu (OJE) tinan fiskál 2026 ba TATOLI-Ajénsia Notisioza Timor-Leste, Institutu Públiku ho montante $751.548 iha faze espesialidade ho votu a-favór 42, kontra 0 no abstensaun 22.
“Nune’e orsamentu ba Ajénsia Notisioza Timor-Leste pasa,” Prezidente Parlamentu Nasionál, Deputada Maria Fernanda Lay, fó-sai liuhusi plenária, sesta ne’e.
Orsamentu ne’e aloka ba saláriu no vensimentu $451.126, bens no serbisu korrente $200.422, kapitál menór rihun $100.
Tuir dokumentu livru OJE 2026, orsamentu ne’e finansia Programa Garante Liberdade Expresaun no Asesu Informasaun hetan alokasaun $453.737, hodi implementa sub-programa garante asesu informasaun ho nia atividade lima.
Programa Funsionamentu no Dezenvolvimentu Instituisionál $297.811, hodi implementa sub-programa rua no atividade haat.
Husi montante orsamentu $751.548 koloka kategoria orsamentu saláriu no vensimentu (saláriu, abonu regulár no permanente sira) ho valór $451.126.
Bens no servisu korrente ho totál $200.422 koloka ba vestuáriu no artigu pesoál $21.300, bens públiku $23,893, materiál eskritóriu $20,000, kombustível $3,000, limpeza no seguransa $8.990, manutensaun $3,000, komunikasaun $64,921, transporte $7,000, catering $8,000.
Nune’e mós alokasaun ba kustu $17,930, servisu profisionál $8,288, publikasaun, kópia no impresaun $6,000, servisu finanseiru $100, servisu atuál sira seluk $8,000, kapital Menór (akizisaun ba bens kapitál móvel sira) $100,000.
Jornalista: Nelson de Sousa
Editór: Evaristo Soares Martins
