DILI, 21 Novembru 2025 (TATOLI)—Parlamentu Nasionál aprova proposta Orsamentu Jerál Estadu (OJE) 2026 ba Institutu Nasionál Administrasaun Públika (INAP), Institutu Nasionál Siénsia Teknolojia (INCT) no Institutu Nasionál Saúde Públika Timor-Leste (INSP-TL) iha debate espesialidade ho votu afavór 42, kontra 0 abstensaun 22.
Tuir livru OJE 2026 nian, orsamentu ba Institutu Nasionál Administrasaun Públika (INAP) ho montate $1.825.384 aloka ba saláriu no vensimentu $590.827, bens servisu $1.184.557 no kapitál menor $50.000.
Iha livru OJE 2026 nian, INAP iha programa funsionamentu dezenvolvimentu institusionál ne’e prevee $1.825.384 ho ninia sub-programa funsionamentu institusionál prevee $23.576 no dezenvolvimentu institusionál prevee $1.801.808.
OJE 2026 ba INCT
Enkuantu Orsamentu Jerál Estadu 2026, ba Institutu Nasionál Siénsia Teknolojia (INCT) aprovadu iha PN ho montante $729.841 ne’e aloka ba saláriu no vensimentu $350.989, bens servisu $368.852 no kapitál menor $10.000.
Tuir livru OJE 2026 nian, INCT iha programa funsionamentu dezenvolvimentu institusionál prevee $478.125 no programa ensinu superiór prevee $251.716, ho ninia subprograma funsionamentu institusionál, dezenvolvimentu institusionál, parseria no infraestrutura edifísiu administrativus prevee hamutuk $729.841.
OJE 2026 ba INSP-TL
Aleinde ne’e, PN aprova proposta OJE ba Institutu Nasionál Saúde Públika Timor-Leste (INSP-TL) hamutuk $3.068.042, ne’ebé aloka ba saláriu no vensimentu $1.316.600, bens servisu $793.542 no kapitál menor 957.900.
Iha livru OJE 2026 nian, INSP-TL iha programa funsionamentu dezenvolvimentu institusionál prevee $1.837.743 no kuidadu saúde primáriu $1.230.299, ho ninia sub-programa tolu (3), funsionamentu institusionál, dezenvolvimentu institusionál no parseria prevee hamutuk $3.068.042.
Jornalista : Alexandra da Costa
Editór : Cancio Ximenes
