DILI, 21 Novembru 2025 (TATOLI)–Prezidente Repúblika, José Ramos-Horta,konvida negosiante Sofia Hornai dos Santos hasoru malu ho ho Papa Leão XIV, bainhira Xefe estadu ne’e hala’o vizita ba Italia.
Sofia nu’udar bainaka espesiál Prezidente nian ba audiénsia ho Sua Santidade Papa Leão XIV. Tuir Sofia, ida-ne’e maka momentu ida ne’ebé nia nunka mehi katak bele akontese.
“Ha’u agradese tebes ba Prezidente Ramos-Horta,” Sofia hateten liuhusi nota ne’ebé TATOLI asesu husi mídia Palásiu Prezidensiál, ohin.
Nia haree onra ida-ne’e la’ós de’it ba nia an rasik, maibé hanesan mensajen ida ne’ebé maka’as ba inan-aman sira hotu ne’ebé luta.
“Ita-nia kondisaun moris nian sei la sai barreira ida, maibé motivasaun ida atu avansa ba oin, tanba esperansa la bosok. Hodi hasa’e vendedór ambulante ida ne’ebé haraik-an, Prezidente Ramos-Horta fó konvite ida, nia defende ona eroi sira ne’ebé nonook iha Timor-Leste,” nia tenik.
Nia hatudu ona katak lideransa loloos haree forsa imensu iha inan ida-idak ne’ebé luta no valida moris tomak ida ho rezisténsia hakmatek ho momentu ida ho dignidade ne’ebé kle’an.
Sofia Hornai dos Santos, inan ida ho oan 12 mai husi Postu Administrativu Lospalos, Munisípiu Lautein, moris ida-ne’ebé define ho domin, sakrifísiu no determinasaun ne’ebé la nakdoko.
Maske oan hamutuk 12 maibé, na’in-tolu (3) mate ona, ida estuda iha rai-li’ur no na’in-ualu (8) hamutuk ho nia iha Dili.
Atu sustenta ninia família, Sofia fa’an modo iha iha loja Meimart nia oin iha dalan Audian no halo dose (dosi tradisionál) iha kalan.
Osan-rahun ne’ebé nia hetan uza ba nia oan sira nia eskola, sira-nia nesesidade loro-loron nian, no uma ki’ik ne’ebé nia harii husi osan ne’ebé nia rai nia ne’ebe nia rai.
“Moris iha sidade la’ós fásil. Ami hasoru difikuldade barak, liuliu tanba dook husi família. Bainhira ita presiza ajuda, sira laiha iha ne’e. Se ami presiza urjente osan ba labarik sira, ha’u tenke empresta ka foti serbisu ruma ne’ebé ha’u bele hetan,” nia dehan.
Sofia nia istória mak hanesan inan ida-ne’ebé lakohi atu rende, serbisu to’o kalan hodi asegura nia oan sira nia futuru. Iha virajen notável ida, inan reziliente ida-ne’e hetan konvite pesoál husi Prezidente Ramos-Horta atu hamutuk ho nia delegasaun iha vizita Estadu nian ida iha Vatikanu.
Jornalista : Hortencio Sanchez
Editór : Cancio Ximenes
