DILI, 22 Novembru 2025 (TATOLI) – Governu liuhusi reuniaun Konsellu Ministru estra-ordináriu sábadu ne’e halo análize ba transferénsia pasiente ba rai-li’ur no dívida ospitál rai-li’ur hamutuk millaun $10.
Proposta ne’e aprezenta husi Vise-Ministru ba Fortalesimentu Institusionál Saúde, José dos Reis Magno, kona-ba prosesu transferénsia pasiente hodi ba halo tratamentu médiku iha rai-li’ur no kona-ba montante dívida sira ne’ebé tenke selu hamutuk ho unidade ospitál internasionál sira.
“Konsellu Ministru delibera hodi autoriza despeza ho valór dolar amerikanu millaun 10 hodi selu dívida iha ospitál hirak ne’e,” sita husi komunikadu ne’e.
Jornalista: Natalino Costa
Editór: Rafael Ximenes de A. Belo
