DILI, 22 Novembru 2025 (TATOLI) – Governu liuhusi reuniaun Konsellu Ministru estra-ordinária, sábadu ohin, deside estende tan Prezidente Autoridade Rejiaun Administrativa Espesiál Oe-Kusi Ambeno Ambeno (RAEOA), Régio da Cruz Salu no dirijente RAEOA to’o loron 31 fulan-dezembru, 2025.
“Projetu rezolusaun Governu nian, ne’e aprezenta hosi Primeiru-Ministru, Kay Rala Xanana Gusmão, estende mandatu Prezidente no Dirijente Autoridade Rejiaun Administrativa Espesiál Oekusi Ambenu nian (RAEOA) to’o loron 31 fulan-dezembru, 2025,” hateten husi Komunikadu ne’ebé Tatoli asesu, ohin.
Rekorda fali katak iha reuniaun Konsellu Ministru, kuarta (29/8/2025) liuhusi Primeiru Ministru Xanana Gusmão, ofisialmente, nomea Régio da Cruz Salu ba kargu Prezidente Autoridade RAEOA hodi troka prezidente sesante Rogério Tiago Lobato.
Jornalista: Natalino Costa
Editór: Rafael Ximenes de A. Belo
