2026, ME planeia reabilitasaun eskola neen iha Kovalima
KOVALIMA, 24 Novembru 2025 ( TATOLI)- Servisu Munisípiu Edukasaun Kovalima simu ona lista husi Ministériu Edukasaun (ME) neen maka tama iha lista atu halo reabilitasaun no konstrusaun.
“Iha 2025 ne’e, hadia de’it eskola rua, maibé bazeia lista ne’ebé ami simu husi Ministériu Edukasaun (ME), iha 2026 ME planeia atu hadi’a eskola neen iha munisípiu Kovalima”, relata Diretora Servisu Munisípiu Edukasaun Kovalima, Elda de Fátima, ba TATOLI, iha Santa Rosa, ohin.
Eskola neen ne’ebé tama iha lista atu hadia iha tinan 2026 ne’e maka hanesan Eskola Bázika Filial (EBF) Fatuloro, Goronto, Dato Rua, Lakonak, Eskola Sekundáriu filian salele, maibé bazeia ba lista ne’ebé simu husi Ministériu edukasaun iha 2026 sei hadi’a eskola neen iha munisípiu Kovalima
Atu konstrui eskola neen kona-bá nia orsamentu husi servisu edukasaun munisípiu la hatene ,tanba edukasaun munisípiu simu de’it lista husi ME katak eskola ne’e tama iha lista atu konstrui iha 2026 , tanba Edukasaun Kovalima submete pedidu iha 2024
Tuir planu mós iha 2027, Ministériu Edukasaun (ME) sei konstrui tan eskola 10 iha munisípiu Kovalima atu aumenta de’it salaaula maka hanesan eskola Bázika Centrál iha Suai Loro, Ogues, Ladi, Sandalo Salele, EBF koitau no eskola sira seluk.
Atu aumenta salaaula hira ida-ne’e depende nesesidade husi eskola sira hanesan eskola Bazika Central ( EBC) Ladi presiza aumenta salauala neen, Ogues sala neen, EBF Koitau aumenta sala tolu no mos eskola sira seluk tan.
Tuir dadus eksola iha munisipiu Kovalima hamutuk 106 kompostu husi eskola Bazika Central 24 ho nia filial 73,eskola ensinu sekundariu neen,ensinu tekniku vokasional hamutuk tolu ne’ebe maka eziste iha Munisipiu Kovalima.
Total Profesór hahú husi Eskola Pre-eskolár (EPE) , Ensinu Báziku Centrál (EBC) ,Ensinu Sekundáriu (ES) no Ensinu Tékniku Vokasionál (TECVOK) ne’ebé hanorin iha Munisipiu Kovalima hamutuk 982 husi númeru ne’e mane 589 no feto 393 no profesor na’in 166 maka tama iha lisra reforma obrigatoriu .
Jornalista: Celestina Teles
Editór : Florencio Miranda Ximenes
