Alunu na’in-40 iha Kovalima la tuir iha ezame pasajen klase
KOVALIMA , 24 Novembru 2025 ( TATOLI)- Servisu munisípiu Edukasaun Kovalima rejista alunu mai husi ensinu báziku 24 kuaze na’in-40 maka la tuir ezame pasazen klase ba tinan letivu 2025, iha munisipiu Kovalima.
“Tuir kalendáriu husi Ministériu Edukasaun (ME) foin lalais alunu sira hahú ensinu báziku, ensinu sekundáriu no ensinu tékniku vokasionál, realiza ona ezame pasajen klase ba tinan 2025 iha semana kotuk. Bazeia ba dadus alunu kuaze na’in-40 maka la tuir ezame pasajen klase”, Diretora Servisu Munisípiu Edukasaun Kovalima, Elda de Fátima, relata dadus ne’e ba TATOLI,iha Santa rosa ohin.
Tuir kaléndariu Ministériu Edukasaun (ME) eskola sira hala’o ezame pasajen klase ne’e durante semana ida ne’ebé hahú iha loron 17 ne’ebé remata iha loron 21 Novembru iha 2025. .
Dirijente ne’e dehan, Razaun alunu na’in-40 husi ensinu báziku la tuir ezame pasajen klase tanba alunu nain rua-mate, balun moras, maibé alunu balun sai nune’e la tuir ezame hahú periódu dahuluk to’o ezame pasajen klase.
Tuir dadus iha Servisu Munisípiu Edukasaun Kovalima eskola hamuuk 106 husi númeru nee eskola ensinu Báziku 97 kompotu husi EBC 24 ho nia filiál 73 ho totál alunu rihun16- resin husi númeru ne’e alunu kuaze na’in 40 maka la tuir ezame pasajen klase
Alunu husi ensinu sekundáriu neen iha munisípiu Kovalima hamutuk 3000-resin no alunu husi ensinu tékniku vokasionál tolu hamutuk 2000-resin ativu tuir ezame pasajen klase.
Jornalista: Celestina Teles
Editór : Florencio Miranda Ximenes
