Estadu atribui Medalla Orden Timor-Leste ba Antigu Reitór Francisco Martins
DILI, 28 Novembru 2025 (TATOLI)–Estadu Timor-Leste liuhusi Prezidénsia Repúblika atribui Medalla Orden Timor-Leste ba Antigu Reitór Universidade Nasionál Timor Lorosa’e (UNTL), Francisco Miguel Martins, iha ámbitu selebrasaun Loron Proklamasaun Independénsia RDTL ba da-50 ne’ebé hala’o iha Palásiu Governu, Sesta ne’e.
Francisco Martins orgullu ho kondekorasaun ne’e tanba Estadu Timor-Leste rekoñese ninia kontribuisaun ba dezenvolvimentu nasionál liuhusi setór edukasaun.
“Ha’u sente kontente tanba kontribuisaun ne’ebé ita halo ba prosesu dezenvolvimentu nasionál dezde 1975 hetan ona rekoñesimentu husi Estadu,” nia informa.
Antigu Reitór UNTL haktuir nia halai ba ai-laran fila-mai sidade maski eskola mós luta nafatin to’o ukun-aan, nune’e Estadu rekoñese nia nu’udár akadémika universidade nian.
Enkuantu, Universidade Nasionál Timor Lorosa’e nia Profesór Doutór hamutuk 30 mak simu kondekorasaun hosi Prezidente Repúblika, José Ramos-Horta.
Jornalista: Osória Marques
Editór: Xisto Freitas da Piedade
