Nova-Zelándia sei investe setór pekuária iha Kovalima
KOVALIMA, 28 Novembru 2025 (TATOLI)- Prezidente Autoridade Munisìpiu (PAM), Kovalima , Miguel Armanda Cardoso ho Konselor Manawatu observa rai atu halo investimentu ba setór agrikultura, iha postu administrativu Suai,Tilomar, iha Munisípiu Kovalima.
“Konselor Manawatu mai hodi haree direta fatin balun atu hakiak animál karau hanesan haree rai ektare 100-liu iha postu Tilomar maibé seidauk identifika ho di’ak no vizita rai ektare 43 iha akar laran ne’ebé la uza . diak liu ita uza haki’akanimál karau susu-been”, Prezidente Autoridade Kovalima, Miguel Armada Cardoso hato’o ba jornalista sira, iha Kovalima.
Razaun Autoridade Kovalima lori konselor Manawatu ba vizita fatin investimentu ba karau susu-been ho intensaun atu fornese susu-been ba programa merenda eskolár, hodi atende ba servisu Timor Resources, Suai Suply Base no alunu sira iha departamentu Pekuária bele halo prátika.
Autoridade mós dehan, Kona-bá estatutu rai iha Kasabauk postu administrativu Tilomar, munisípiu Kovalima, seidauk identifika husi Terra no Propriedade, maibé rai ne’e rai Estadu.
Hafoin vizita fatin atu hakiak animál, Konselor District Manawatu mós hakarak halo investementu iha Kovalima, maibé komunidade no joven sira presiza prepara aan hodi aprende dalen inglés no konsénsia atu servisu.
Prezensa Konselor Districk Manawatu husi Nova-Zelandia , Autoridade Kovalima mós aprezenta difikuldade hanesan menus rekursu umanu iha área tékniku, ekipamentu, finanseiru presiza ajuda no joven sira laiha kampu traballu.
Lidér Kovalima lori konselor ba identifika rai, tanba foin lalais liuhosi Ministériu Administrasaun Estatal ( MAE) asina ona akordu iha área setòr agrikultura foku atu haki’ak karau ho susu-been.
Jornalista:Celestina Teles
Editór:Florencio Miranda Ximenes
