KOVALIMA, 01 Dezembru 2025 ( TATOLI)- Ministériu Solidariedade Sosiál no Inkluzaun (MSSI) hamutuk ho Banku Nasionál Komérsiu Timor-Leste (BNCTL), finaliza ona pagamentu pensaun sosiál ba idozu no invalidéz faze dahaat iha munisípiu Kovalima.
“Ministériu Solidariedade Sosiál no Inkluzaun (MSSI), finaliza ona pagamentu pensaun Sosiál ba ita-nia idozu no invalidéz faze dahaat iha Munisípiu Kovalima bazeia ba oráriu pagamentu ne’ebé maka fó sai”, Koordenadór INNS Kovalima, Bernadino Sequeira, relata ba TATOLI liuhusi telefone, ohin.
Bazeia ba oráriu pagamentu ne’ebé fó sai husi Ministériu Solidariedade Sosiál no Inkluzaun (MSSI) pagamentu pensaun sosiál (PS) ba idozu no invalidéz hahú iha loron 24 ne’ebé finaliza iha loron 27 Novembru 2025 ne’e.
Tuir dadus idozu no invalidez iha munisípiu Kovalima mai husi postu hitu hamutuk 7,321, husi númeru ne’e idozu 6,936 no invalidés 384.
Idozu no invalidés 7,321 husi Postu Administrativu Fatululik 252, Fatumea 502, Fohorem 573, Maucatar 1088, Suai 2,210, Tilomar 838 no Zumalai 1,857.
Jornalista:Celestina Teles
Editór :Florenco Miranda Ximenes
