KOVALIMA, 12 Dezembru 2025 (TATOLI)- Ministru Administrasaun Estatál (MAE), Tomas do Rosário Cabral, fó hanoin autoridade Kovalima liuliu ba administradór postu administrativu sira atu aselera uza programa Sistema Integradu Informasaun Jestaun Dadus (SIIGDSA-Sigla portugés) liuliu halo rejistu fixa família iha suku sira.
“Ha’u fó hanoin ba xefe suku ho administradór postu administrativu sira katak programa Sistema Integradu Informasaun Jestaun Dadus, ne’e ita atu halo rejistu ba fixa família”, dehan Governante ne’e iha Kovalima, ohin.
Governante ne’e, esplika prosesu rejistu fixa família ne’e maka hanesan dadus importante atu rekolla dadus populasaun jerál iha territóriu.
“Intensaun halo rejistu fixa família atu hatene família no dadus populasaun ho loloos iha Timor-Leste ne’e,” Ministru Tomas afirma.
Tuir dadus, munisípiu Kovalima iha nia postu Fatululik, Fatumea, Fohorem, Tilomar, Maucatar, Suai ho Zumalai ho nia suku 30 no aldeia 148.
Jornalista:Celestina Teles
Editór:Florencio Miranda Ximenes
