KOVALIMA, 15 Dezembru 2025 (TATOLI) –Prezidente Autoridade Munisípiu Kovalima, Miguel Armada Cardoso, alerta ba inan-aman sira kontrola oan sira redús hemu tua iha fatin públiku hodi selebra loron boot Natál 2025 no tinan foun 2026 la’o ho hakmatek nia laran.
Natál hanesan loron bo’ot ne’ebé akontese tinan ida- dala ida hodi selebra loron morís kristu ni’an. Loron boot natal hanesan festa sarani ni’an ne’ebé kosok-oan Jesus mai iha mundu.
“ Selebrasaun loron bo’ot Natál hanesan loron ne’ebé halo preparasaun ita-nia aan hodi simu kosok oan Jesus nia moris, nune’e inan-aman presiza kontrola-oan sira atu redús hemu tua iha fatin públiku”, apela PAM Miguel Armada Cardoso , hato’o mensajen ne’e ba jornalista sira, iha resintu AMC, ohin.
Nia hatutan: “razaun atu redús hemu tua, nune’e hodi hein no prepara ita nia-aan atu simu kosok-aon Jesus moris tanba ne’e la fasíl nia mai hamutuk ho ita. Ita ida-idak tenke rekoñese ita-nia aan hodi simu kosok-oan ho fuan ne’ebé maka moos”. katak nia.
Iha ámbitu selebra loron boot Natál komunidade hotu iha Kovalima labele barullu iha fatin públiku, forma grupu baku malu. Selebra Natál lori buat foun husik hela hahalok aat iha 2025 hodi simu buat foun iha tinan foun 2026.
Jornalista: Celestina Teles
Editór:Florencio Miranda Ximenes
