DILI, 15 Dezembru 2025 (TATOLI)—Atleta Timoroan, Alexandre Meliano da Costa Freitas oferese medalla osan-metan ba Timor-Leste liuhusi modalidade boxe iha kompetisaun SEA Games 2025 faze meiu finál ne’ebé hala’o iha Chulalongkorn University Sports Center, Bangkok, Segunda (15/12/2025).
Boxista Alexandre Freitas oferese medalla osan-metan hafoin konsege hakat bá meiu finál maski derrota bainhira kontra atleta husi Singapura, Ju Jie Velvan Tan iha kategoria kilógrama 69 liuhusi ronda datoluk ne’ebé realiza iha Chulalongkorn University Sports Center, Bangkok.
Alexandre Freitas rasik hakat bá meiu finál hafoin iha jogu quarterfinals halakon atleta husi Repúblika Laos, Shomphan Chalounseng iha primeira ronda iha Chulalongkorn University Sports Center, Bangkok, Sábadu (13/12/2025).
Ho rezultadu jogu referidu, mezmu falla hakat bá finál, Alexandre Freitas konsege aumenta medalla osan-metan ba Timor-Leste iha-ne’ebé antes ne’e modalide Taekwondo rekolla uluk ona rua iha SEA Games ne’e.
Jornalista: Natalino Belo
Editór: Xisto Freitas da Piedade
