Janeiru-Novembru, moras IRA aas iha Sentru Saúde Kovalima
KOVALIMA, 16 Dezembru 2025 (TATOLI) – Hahú Janeiru to’o Novembru ne’e, Servisu Saúde Munisípiu Kovalima kontinua rejista moras Infesaun vias respiratóriu Aguda (IRA) kontinua aas hamutuk 23.124 ,iha Munisípiu Kovalima.
“ Dadus ne’ebé ami relata tuir relatóriu ne’ebé ami simu husi Sentru saúde Komunitáriu (SSK) ne’ebé relata mai iha servisu Saúde Munisípiu Kovalima. ita nafatin rejista moras Infesaun Vias Respiratóriu (IRA) maka kontinua rejista aas hamutuk 23.124”,Diretór Servisu Saúde Munisípiu Kovalima, Domigos Sequeira relata dadus ne’e ba jornalista sira, iha nia servisu fatin Ladi.
Dirijente ne’e dehan,tuir relatóriu ne’ebé servisu saúde Kovalima simu hatudu alende moras IRA iha moras seluk hanesan diareia kuta ho totál 5.233, pneumónia 3.539, isin manas 288, diareia ho ran 130, pape rise 118, varisela 92,tipoit 12, siroman interiku 8 , viral hepatitis A B C hamutuk 7.
Razaun SSK relata relatóriu moras IRA aas tanba nia impaktu mai husi komunidade sira dala barak alerjia no mós mai husi kutun, maibé kazu barak liu mai husi alerjia hanesan malirin, rai rahun ida-ne’e maka halo komunidade moras IRA.
“ Atu redús moras IRA iha tempu pandemia Covid-19, mak ita eduka ona komunidade sira hanesan molok atu han presiza faze liman, hafoin sintina tenke faze liman, prepara hahan tenke fase liman bainhira mear karik presiza uza maskara ka taka inus ho liman sikun”, nia afirma.
Fó hanoin fali katak, durante fulan-12 iha 2024 ne’e Servisu Saúde munisípiu Kovalima rejista moras IRA hamutuk 18,764 tanba kada trimesterál rejista moras Infesaun vias Respiratória Aguda (IRA) hamutuk 4,692
Aleinde relata moras IRA informa moras sira hanesan rejista moras kulit seluk hamutuk 2,852, tanba kada trimesterál rejista 713 moras teben akut 2,520 kada trimesterál rejista 630,pneumonia 1,300 kada trimesterál rejista 325 , Scabies 264 kada trimesterál rejista 66 no moras teben ho ran 60 kada trimesterál rejista 15.
Jornalista: Celestina Teles
Editór:Florencio Miranda Ximenes
