SERVE,I.P Kovalima arrekada reseita rihun $17-resin ba kofre Estadu
KOVALIMA, 16 Dezembru 2025 (TATOLI)- Servisu Rejistrasaun no Verifikasaun Emprezariál, Institutu Públiku (SERVE,I.P) sukursál Kovalima hahú Janeiru to’o Novembru ne’e konsege arrekada reseita $17,847.50 ba kofre Estadu.
Koordenadór SERVE,I.P Sukursál Kovalima, Domingos Gavrila Amaral, dehan Servisu Rejistrasaun no Verifikasaun Emprezariál Institutu Públiku (SERVE,I.P) Sukursál Kovalima arrekada reseita mai husi halo rejistrasaun empreza no sidadaun sira ne’ebe hala’o sira-nia atividade negósiu ho tipu enin .
“Ita kontribui reseita mai hosi halo atendementu rejistu emprezáriu halo renovasaun no alterasaun ba sira-nia atividade negósiu. Prosesu halo rejistu la’os de’it edifiu maibé mós rejistu mobile iha postu administrativu no suku sira maka konsege arrekada reseita $17.847.50” , Domingos Gavrila Amaral, relata dadus ne’e ba Jornalista-sira iha kampung Baru, ohin.
Bazeia ba dadus husi SERVE,I.P durante fulan-11 halo atendimentu hodi halo rejistu, renovasaun ho alterasaun ba atividade hamutuk 837 husi númeru ne’e rejistu ba tipu negósiu enin hamutuk 257 ne’ebé halo renovasaun sira nia dokumentu negósiu hanesan enin, Unipesoal no Lda hamutuk 420 no halo renovasaun , rejistu unipesoál 56 ho rejistu ba LDA hamutuk 10 .
“Ita halo rejistu empreza no ita mós halo renovasaun ba sira-nia dokumentu mate tipu negósiu enin , Unpesoal no LDA hamutuk 420 ho ba sira ne’ebé maka halo alterasaun hodi aumenta atividade enin hamutuk 38, unipesoal Lda 81, Lda hamutuk 5 ,E.P ida no SA ida ho totál halo alterasaun 130”. nia esplika.
Fó hanoin fali katak, tuir dadus empreza lokál no Internasionál iha Kovalima hamutuk 2.069 husi númeru ne’e kompostu husi empreza unipesoál Lda no Lda hamutuk 700-resin hodi hala’o sira-nia atividade emprezara lokal barak liu, iha kontrusaun, maibé mós iha Loja, Agrikultura, peska, pekúaria, karpinteriu, catering, restorante, guest house, importa no exporta sasan no seluk tan.
Jornalista: Celestina Teles
Editór:Florencio Miranda Ximenes
