Tributária Kovalima rekolla reseita $2.655,11 ba kofre Estadu
KOVALIMA, 16 Dezembru 2025 (TATOLI)- Ministériu Finansa liuhusi Diresaun Repartisaun Tributária Munisípiu Kovalima, hahú Janeiru to’o Outobru, rekolla ona reseita $2.655,11 ba kofre Estadu.
“Taxa ne’ebé ita arrekada hahú Janeiru to’o Outobru ita konsege arrekada ona taxa hamutuk $2,655.11 ba kofre Estadu ne’e seidauk inklui taxa husi fulan-Novembru tanba empreza sira sei iha prosesu selu taxa ”, Diretór Repartisaun Tributária Munisípiu Kovalima Laurentino Amaral informa ba TATOLI iha Bairru-Costa, ohin.
Taxa ne’ebé DRTM Kovalima arrekada ne’e mai husi kliente sira ne’ebé tuir dadus kliénte ne’ebé maka kontribui taxa ativa totál kliente hamutuk 160. Husi númeru ne’e kliente ne’ebé maka ativa selu hamutuk 150 no klienta na’in-10 ladun ativa selu tanba empreza prosesu konstruisaun.
Empreza 10 ladun ativu selu impostu tanba empreza sira haree ba projetu tipu konstruisaun, nune’e Governu koa kedas 2%, nune’e la rejista iha sistema DRTM Kovalima, maibé empreza sira trata de’it dokumentu sertidaun divida bainhira hasoru problema presiza imprime asesmen penalidade foin maka bele selu.
Dirijente ne’e dehan, Prosesu selu taxa kliente sira selu direta iha Banku Nasionál Ultra Marino (BNU). Maibé ba sira ne’ebé maka iha ona username entaun kliente sira imprimi rasik uza sistema sell assesment
Durante ne’e , DRTM Kovalima nota prosesu selu importa empreza sira seidauk iha koñesementu di’ak atu uza sistema sell assessment entaun husu ajuda funsionáriu DRTM hodi halo imprime pagamentu ba impostu.
Tuir Planu iha 2026 ne’e DRTM Kovalima presiza partilla informasaun ba empreza sira kona-ba uza sistema sell assesment nune’e sira bele iha koñesementu kona-bá selu impostu uza sistema sell asesment.
“Durante ami partilla informasaun ami hasoru difikuldade maka rede internet ladun di’ak, nune’e difikulta mós ami selu impostu uza sistema sell assement presiza rede internet faila ami esplika ho manuál”, nia esplika.
Jornalista: Celestina Teles
Editór:Florencio Miranda Ximenes
