DILI, 18 Dezembru 2025 (TATOLI)—Atleta timoroan na’in-neen husi Modalidade Atletizmu falla oferese medalla ba Timor-Leste iha kompetisaun SEA Games 2025 ne’ebé hala’o iha Tailándia
Atleta na’in-neen referida kompostu Manuel Ataide falla kompete iha kategoria rua hanesan metru 100 no metru 800 iha-ne’ebé finaliza ho durasaun oras 1:58.93, Mouzinho Amarál kompete iha kategoria tolu hanesan metru 100 ho durasaun oras 12:59, metru 100 no metru 200 ho durasaun oras 25:03.
Seluk, atleta Felisberto de Deus falla iha kategoria rua hanesan metru 5000 ho durasaun oras 17:01.62 no finaliza halai ho durasaun oras 31:55.56 iha metru 10.000, Abita de Jesus kompete iha metru 5000 ho durasaun oras 21:21.6 no metru 10.000 ramata ho oras 41:22.33.
Estaqui Carlos falla bainhira kompete iha kategoria rua hanesan númeru metru 1.500 bainhira finaliza kompetisaun ho durasaun oras 4:14.63 no metru 5000 iha pozisaun sanuluk ho durasaun oras 17:01.62.
Ikus mak atleta Ângela de Fátima Araújo ne’ebé kompete kategoria tolu hanesan iha metru 1500 okupa iha pozisaun dahitu hafoin finaliza halai ho durasaun oras 05:29.88, kategoria metru 5000 finaliza ho durasaun 21:21,6 no metru 800 ramata ho oras 2:13.1.
Entretantu, kontijente Timor-Leste ne’ebé partisipa iha SEA Games 2025 hamutuk modalidade lima iha-ne’ebé modalidade rua hanesan Taekwondo no Boxe mak kontribui ona medalla osan-metan hamutuk tolu, más modalidade tolu mak falla hanesan Futeból, Atletizmu no Karate-do.
Jornalista: Natalino Belo
Editór: Xisto Freitas da Piedade
