PNTL Kovalima rekolla reseita rihun $24 ba kofre Estadu
KOVALIMA, 18 Dezembru 2025 (TATOLI) – Komandu Polísia Nasionál Timor-Leste Munisípiu Kovalima, liuhosi sesaun Tránzitu Seguransa Rodaviáriu hahú Janeiru to’o 17 Dezembru ne’e, rekolla ona reseita $24,138 ba kofre Estadu.
“PNTL Kovalima liuhusi sesaun tránzitu rekolla reseita nia forte orsamentu mai husi atividade autostop ba sidadaun-sira ne’ebé maka viola kódigu estrada hodi aplika koima ba ita-nia sidadaun hahú janeiru to’o 17 Dezembru ne’e hamutuk $24,138 ba kofre Estadu”, Komandante PNTL Kovalima, Superintendente Polísia, Inasio Amaral, informa ba jornalista sira, iha Komandu PNTL Kovalima, Santa Rosa, ohin.
Reseita ne’ebé Komandu PNTL Kovalima, liuhusi seksaun tránzitu rekolla ne’e mai husi sidadaun sira ne’ebé maka selu ona koima, iha banku ho PNTL mós halo rejista ona iha sistema baze dadus, maibé sidadaun balun fó nota infrasaun seidauk selu iha banku ne’e PNTL seidauk rejista iha sistema baze dadus.
“ Ita aplika selu koima ba inflatór-sira ne’ebé viola kódgu estrada, nune’e ita rekolla reseita hamutuk maka $24,138 ne’ebé selu ona banku no rejista ona iha sistema baze dadus komandu PNTL Kovalima”, nia dehan.
Ho nune’e, nia dehan katak reseita $24,138 ne’ebé PNTL kontribui seidauk inklui ho sidadaun balun mós ne’ebé maka fó ona nota inflasaun , maibé seidauk kumpri sira nia dever hodi selu iha banku, nune’e seidauk halo rejistu iha sistema baze dadus PNTL.
Reseita ne’ebé PNTL liuhusi Tránzitu rekolla mai hosi aplika koima ba inflatór sira ne’ebé maka uza transporte iha karreta no motorizada hira nia parte la dekor total karreta ho motorizada ne’ebé aplika koima ba inflator sira.
“Iha Kovalima motorizada maka domina liu koima inflasaun ne’ebé ita hetan ne’e maioria mai husi motorizada sirkula iha munisípiu laran no mós motorizada husi munisípiu seluk sirkula mai iha munisipiu Kovalima ne’ebe viola kodIgu estrada ”.nia dehan.
Jornalista: Celestina Teles
Editór :Florencio Miranda Ximenes
