DILI, 18 Dezembru 2025 (TATOLI) —Filipina hakarak promove plataforma artefisiál intelijénsia (AI, sigla inglés) ho étika no sustentável bainhira prezide Asosiasaun Nasaun sira Sudeste Aziátiku nian (ASEAN, sigla inglés) iha tinan oin.
“Iha ninia Prezidénsia iha tinan oin, Filipina sei ajuda lidera ASEAN iha harii komunidade ida ne’ebé prontu ba futuru no brani iha ninia hakuak inovasaun nian — iha ne’ebé teknolojia serve umanidade ho seguru, étika, responsabilidade, ekitativu, no sustentável, aproveita hodi asegura rejiaun ida ne’ebé pasífiku, prósperu, no sentradu iha ema,” Sekretáriu Negósiu Estranjeiru ba Asuntu ASEAN, Dominic Xavier Imperial, kinta ne’e.
Nune’e mós promove prosperidade ekonómika liuhosi utilizasaun teknolojia emerjente sira hanesan AI maka entre área sira ne’ebé maka Filipina hein atu fó prioridade durante nia uma-na’in ba ASEAN.
Iha Simeira Kooperasaun Ekonómika Ázia-Pasífiku (APEC, sigla inglés) ba da-32 foin lalais ne’e iha Koreia-Súl,P rezidente Ferdinand R. Marcos Jr. rasik rekoñese papél AI ian iha formasaun ekonomia no sosiedade sira.
Nia rekoñese katak hanesan instrumentu importante ida, ne’ebé iha poténsia atu hasa’e serbisu públiku, rasionaliza komérsiu no impulsiona empreza mikro, ki’ik no médiu sira.
Iha Outubru, líder sira APEC nian, inklui Filipina, adota Inisiativa AI APEC nian 2026-2030 no konkorda atu avansa inovasaun AI nian iha Ázia Pasífiku tomak. Sira mós konkorda atu hametin inisiativa sira kapasitasaun no enkoraja investimentu infraestrutura AI nian ne’ebé reziliente.
