DILI, 22 Dezembru 2025 (TATOLI)—Governu liuhusi reuniaun Konsellu Ministru halo analiza kona-ba prosesu pós-kualifikasaun husi empreza konkorrente sira ba projetu Baze Lojístika iha Suai no Auto-estrada iha kosta súl, ne’ebé aprezenta husi Ministru Petróleu no Rekursu Minerál, Francisco da Costa Monteiro, no Komisaun Nasionál Aprovizionamentu (CNA)
Prosesu aprovizionamentu ne’e hala’o entre iha fulan-Novembru no fulan-Dezembru tinan 2025, aprezentasaun foka liu ba avaliasaun téknika, finanseira no kapasidade husi empreza sira-ne’ebé mak selesiona ona, nune’e mós diskusaun sira-ne’ebé mak hala’o ho instituisaun bankária no proponente sira kona-ba modelu finansiamentu nian,
Entretantu, hafoin analiza ida-ne’e, Konsellu Ministru konkorda ho rekomendasaun sira-ne’ebé aprezenta ona, hodi konkorda kona-ba definisaun ba pasu sira tuir mai, ne’ebé sei inklui posibilidade atu kria komisaun interministeriál nian ida atu hala’o negosiasaun finansiamentu no preparasaun kuadru legál espesífiku ida ba dezenvolvimentu projetu estratéjiku sira-ne’e, hodi bele garante klareza jurídika, koordenasaun institusionál no protesaun ba intereses Estadu nian.
Jornalista : Alexandra da Costa
Editór : Cancio Ximenes
