DILI, 23 Dezembru 2025 (TATOLI)—Postu Unidade Patrullamentu Fronteira (UPF) hamutuk 50 ne’ebé Governu fó fiar ba empreza hodi hadi’a, obra ne’e sei entrega iha Fevereiru 2025.
Ministru Interiór, Francisco da Costa Guterres, informa, empreza harii postu 47 no Governu harii tan tolu.
“Postu polísia ita garante no sente, agora ita aumenta fali ba postu 50. Ita kuaze kompletu hotu ona, tinan oin pur vota Janeiru, Fevereiru ita komesa iha ona prosesu entrega postu Polísia sira ne’e no ita uza hotu ona,” nia akresenta.
Notísia relevante : Tempu Badak F-FDTL Sei Reforsa Seguransa Postu Fronteira Tunubibi
Nune’e, Ministériu Interiór (MI) sei halo akizisaun ba fasilidade no mobiliáriu hodi tau iha laran.
“Ita kompleta ona reabilitasaun tomak iha infraestrutura iha nfraestrutura polísiál iha fronteira, maibé sira ne’ebé seidauk kompletu ho mobiliáriu tanba sei iha prosesu akizisaun. Iha balun ita kompleta ona, mas ita sei hein lai oituan depois ita kompleta hamutuk,” nia katak.
MI sei kompleta mós ekipamentu ba postu polisiál iha fronteira nune’e bele halo vijilánsia iha fronteira ho di’ak.
Jornalista : Natalino Costa
Editora : Julia Chatarina
