VIKEKE, 24 Dezembru 2025 (TATOLI)—Diretór Programa Nasionál Dezenvolvimentu Suku (PNDS) Munisípiu Vikeke, Francisco S. Varela, informa obra PNDS ba tinan 2025 hamutuk 40 ne’ebé implementa iha suku 35 maioria konkui ona.
“Kona-ba implementasaun PNDS 2025 ita iha obra 40 no implementa iha suku 36, maibé iha Munisípiu Vikeke suku Maluru mak la implementa tanba iha área planta LNG Beasu. Suku sira-ne’ebé implementa obra ne’e maioria atinje 100%,” Francisco ba TATOLI iha Postu Vikeke Vila, Kuarta ne’e.
Kona-ba dezafiu, nia haktuir, durante implementa obra iha suku 35, difikuldade mak menus transporte hodi apoiu tékniku sira ba halo kontrolu no kondisaun estrada mós ladún di’ak.
“Ami-nia dezafiu mak transporte ba tékniku sira hodi halo akompañamentu ba obra sira-ne’ebé implementadu. Dezafiu ida seluk mak kondisaun dalan iha tempu udan iha suku balun distribui materiál ba fatin implementasaun labele. Maibé, ami iha vontade hodi haree obra sira-ne’ebé durante ne’e la’o iha suku sira,” nia hato’o.
PNDS implementa iha Postu Ossú hamutuk suku sanulu (10) kompostu husi Suku Builale reabilita bee-moos ho sistema gravitasaun, gasta orsamentu $28.746,03, Suku Builó konstrusaun estrada rurál (beton), gasta 23.291,13, Liaruka reabilita bee-moos ho sistema gravitasaun, gasta orsamentu $25.945,13, Loihunu konstrusaun bee-moos sistema gravitasaun, gasta orsamentu $23.439,07, Nahareka reabilitasaun sistema bee-moos, gasta $25,945,13, Ossorua reabilitasaun eskola Ensinu Báziku Filiál (EBF) Muaemi sala rua (2), gasta $23.092,65.
Ossú de Cima, reabilita EBF Legogari, gasta $26, 092.65, Uabubu reabilitasaun eskola Helelulik, gasta $26, 092.65, Uagia reabilita ESG paralelu sala rua, gasta $25,945.13, Uaibobo konstrusaun morru hale’u EBF Osolari, naruk 100m no luan 60m, gasta $23.291,65.
Nune’e mós ba Postu Lakluta, iha Suku Ahik reabilita estrada (estrada sirtu), gasta $25.945,13, Dilór reabilita estrada (estrada sirtu), gasta $28.746,03, Line konstrusaun bee-moos sistema gravitasaun, gasta $25.945,13, Uma-Tolu reabilita sistema bee bomba, gasta $23.291,65.
Iha Postu Uatukarbau, Suku Afaloikai konstrusaun morru hale’u eskola EBC 28 Novembru, gasta $31.399,51, Bahatata konstrusaun morru satan rai, gasta $28.598,61, Irabin de Baixo konstrusaun valeta, gasta $31.399,51, Irabin de Cima reabilita estrada lokál, gasta $28.598,61, Loi-Ulu konstrusaun pré-eskolár, gasta $28.598,61, Uaniuma reabilitasaun estrada lokál, gasta $28.598,61.
Postu Vikeke Vila kompostu husi Bahalaraua’in reabilitasaun postu saúde, gastu $26.092,55, Bibileo reabilitasaun estrada lokál, gasta $26.092.55, Karaubalu konstrusaun estrada lokál, gasta $29.040,86, Fatudere konstrusaun morru protesaun postu saúde, gasta $23.291,65, Luka konstrusaun morru postu saúde, gasta $26.092,55, Suku Maluru konstrusaun morru pré-eskolár ho orsamentu $23.291,65 maibé la implementa obra (orsamentu filafali bá kofre Estadu), Uaimoru reabilitasaun estrada lokál, gasta $20.638,17, Uma-Ki’ik konstrusaun morru postu saúde, gasta $23.439,07, Uma-Ua’in Kraik, konstrusun morru postu saúde, gastu $26.092,55, Uma-Ua’in Leten, estensaun EBF Luga Asa, gasta $25.945,13.
Husi Postu Uatulari kompostu husi Suku Afaloikai reabilitasaun uma maternidade, gasta $28.746,03, Babulu konstrusaun estrada rurál, gasta $28.746,03, Makadike reabilitasaun estrada rurál $31.546,92, Matahoi reabilitasaun rurál, gasta $31.546,92, Uaitame obra rua (konstrusaun ponte ki’ik iha Aldeia Sana no Foho Manu reabilita bee-moos sistema gravitasaun ho totál gastu hamutuk $25.945,13 no suku Vessoru konstrusaun estrada lokál gastu $25.945,13.
Jornalista: Vitorino Lopes da Costa
Editór: Xisto Freitas da Piedade
