KOVALIMA, 12 Janeiru 2026 (TATOLI)– Reprezentante Prezidente Autoridade Munisípiu Kovalima, Alberto Moniz de Araújo, segunda-ne’e, inaugura edifísiu Ministériu Komésiu no Indústria (MCI) hodi fasilita funsionáriu sira nia serbisu loro-loron.
“Ohin, ita bele inaugura edifísiu MCI iha munisípiu Kovalima, tanba durante ne’e funsionáriu MCI iha Kovalima uza de’it edifísiu antiga iha tempu UNTAET, nune’e nia espasu ladun sufisente atu hala’o servisu. Maibé ho kondisaun ne’e bele fasilita ona atu sira bele presta servisu liuliu mellora atendimentu ba sidadaun sira”, Reprezentante PAM Kovalima, hato’o hato’o liuhusi nia diskursu iha Kovalima, ohin.
Nia husu, funsionáriu atu uza didi’ak edifísiu foun ne’e ho di’ak atu hala’o serbisu ho profisionál.
“Fó hanoin tenke kuidadu konstruisaun edifísiu MCI, tanba esperénsia hatudu katak hafoin Ministru Administrasaun Estatál, Tomas do Rosário Cabral, inaugura sentru atendimentu balkaun úniku ema deskoñesidu tuda rahun vidru janela espera edifísiu MCI labele akontese hanesan ne’e tan”, dehan nian.
Iha sorin seluk, Diretora Delegasaun Deskonsentrasaun MCI Munisipál Kovalima, Bernadete de Jesus Inacia, apresia ba empreza Cesaldo Unipesoál Lda ne’ebé mak konstrui edifísiu ne’e ho medida 12×8, ho totál orsamentu rihun $46.
“Ho edifísiu ne’ebé mak iha funsionáriu sira bele presta servisu ho di’ak, maibé tenke kuidadu mós edifísiu ne’e,” nia sujere.
Jornalista: Celestina Teles
Editór: Florencio Miranda Ximenes
