DILI, 12 Janeiru 2026 (TATOLI)—Governu liuhusi reuniaun Konsellu Ministru nomeia Zeferino da Costa Bobo sai Prezidente Konsellu Administrasaun Institutu Nasionál Seguransa Sosiál, no mós nu’udar Prezidente Konsellu Fundu Rezerva Seguransa Sosiál.
Proposta ne’e hetan aprovadu iha Konsellu ministru ho projetu rezolusaun Governu nian, neʼebé aprezenta husi Ministra Solidariedade Sosiál no Inkluzaun, Verónica das Dores,
Rezolusaun Governu ne’e mós nomeia Gemito do C. Amaral de Jesus ba kargu vogál Konsellu Administrasaun Institutu Nasionál Seguransa Sosiál nian, hodi troka Dulce Natividade da Cunha, ne’ebé rezigna-an tanba razaun saúde.
Antes ne’e, iha reuniaun Konsellu Ministru ne’ebé realiza iha kuarta (07 janeiru 2026) deside ezonera Arlindo Pinto husi kargu Prezidente Konsellu Administrasaun Institutu Nasionál Seguransa Sosiál (INSS) no Fundu Rezerva INSS.
Notísia Relevante: Governu deside ezonera Arlindo Pinto husi kargu Prezidente INSS
Jornalista : Alexandra da Costa
Editõr : Cancio Ximenes
