KM aprova proposta-lei alterasaun daruak kona-ba lei partidu polítiku
DILI, 14 Janeiru 2026 (TATOLI)—Governu liuhusi reuniaun Konsellu Ministru (LM), kuarta ne’e, aprova proposta-lei kona-ba alterasaun daruak ba Lei númeru 3/2004, 14 Abríl, Lei kona-ba Partidu Polítiku, ne’ebé aprezenta husi Ministru Administrasaun Estatál, Tomás do Rosário Cabral.
Bazeia dokumentu ne’ebé Agência Tatoli asesu iha portál Governu define katak inisiativa lejizlativa ne’e ho objetivu atu hametin natureza demokrátika interna partidu polítiku nian no prevene ligasaun naran partidu polítiku sira-nian ho naran organizasaun rezisténsia nian.
Aleinde dekretu-lei ne’e define iha dokumentu ofisiál iha Ministériu Justisa (MJ) katak partidu polítiku sira kataliza no organiza partisipasaun sidadaun nian iha moris polítika nasaun nian no daudaun ne’e laiha kestiona katak multipartidarizmu konstituí ida husi trave mestra demokrasia kontemporánea nian.
Nune’e, iha kontekstu ne’e, importánsia define regra sira ba asaun partidária nian hodi garante funsionamentu partidu polítiku sira-nian iha Timor-Leste.
Jornalista : Alexandra da Costa
Editór : Cancio Ximenes
