DILI, 14 Janeiru 2026 (TATOLI)—Diretór Sekretariadu Tékniku Administrasaun Eleitorál (STAE) Munisipál Manatutu, Mariano Natalino da Silva hateten to’o Dezembru 2025, STAE Manatutu konsege prodús ona kartaun biométriku hamutuk 17.000.
“Hahú hosi lansamentu to’o Dezembru tinan kotuk ita konsege prodús ona kartaun biométriku ba ita-nia eleitór hamutuk 17.000,” Diretór STAE dehan ba TATOLI via telefónika, Kuarta ne’e.
Mariano hatutan agora tama Janeiru STAE hahú hikas halo atualizasaun kartaun biométriku ba populasaun iha Manatutu no atualiza daudaun ona 100-resin.
“Ita sei iha estoke fulan bá-oin nian, ne’ebé bele responde ba eleitór sira. Estoke ida-ne’e hotu mak halo perdidu ba STAE nasionál,” nia dehan.
Totál eleitór hosi Munisípiu Manatutu hamutuk 39.549 kompostu husi mane 20.267 no feto 19.282.
Jornalista: Osória Marques
Editór: Xisto Freitas da Piedade
