DILI, 15 Janeiru 2026 (TATOLI)–Primeiru-Ministru (PM), Kay arAla Xanana Gusmão, hateten hasoru malu ona ho Empreza ENSUL hodi negosia oinsá Governu bele sosa uma andár ne’ebé lokaliza iha área Pateo iha Kolmera, Dili, atu utiliza ba eskritoriu Governu nian no fó ba Embaixada sira.
“Ha’u ba ona ENSUL nia uma naruk boot ne’e, maibé iha hela negosiasaun seidauk kompleta didi’ak, ida-ne’ebá ne’e bele utiliza de’it ba eskritoriu, la’ós rezidensia. Ami ko’alia hela se sira hakarak faan ita bele sosa,” Xanana hateten ba jornalista sira hafoin ramata enkontru ho Xefe Estadu José Ramos-Horta iha Palásiu Prezidensiál Nicolau Lobato, Bairru Pite, ohin.
Xefe Estadu ne’e dehan, negosiasaun ne’e iha opsaun rua, bainhira ENSUL hakarak faan Governu sei sosa maibé laiha mak sei kria de’it memorandu intendimentu ida atu bele fó ba Embaixada sira, atu nune’e bele akomula hotu Embaxada sira iha fatin referidu.
“Nasaun barak mak hakarak harii sira-nia Embaxada iha ita-nia nasaun, ida-ne’e mak ita haree hela, ENSUL ita bele fó ba Embaixada sira, atu nune’e evita ita fó rai luan, tanba Dili ne’e kloot tan, entaun haree fatin ne’e tanba iha ne’ebá fatin ne’e kapaas tebes,” Xanana dehan.
Andar Ensul ba edifísiu aas ida (ho andar oioin, andar) ne’ebé harii hosi empreza ENSUL iha Timor-Leste, lokaliza iha zona Kolmera, ne’ebé aloja projetu konstrusaun ida ho pelumenus andar 15, ne’ebé indika dezenvolvimentu imobiliáriu ne’ebé signifikativu iha Díli.
ENSUL empreza ida (karik real estate ka konstrusaun) ne’ebé dezenvolve hela projetu boot ida iha Timor-Leste.
Naran “Andar Ensul” fó hanoin katak edifísiu ida ho andar barak (andar signifika andar ka planu iha lian Portugés).
Dezenvolvimentu hala’o iha fulan-Marsu 2022, konstrusaun atinje ona andár 15 ho progresu 60%.
Rezumu, Andar ENSUL hanesan naran ba edifísiu boot ida-ne’ebé sei iha hela konstrusaun iha Dili, Timor-Leste, ne’ebé dezenvolve hosi empreza ENSUL, destaka projetu imobiliáriu ida-ne’ebé importante iha kapitál.
Jornalista : Hortencio Sanchez
Editór : Cancio Ximenes
