SMAF introdús lalaok ezekusaun OJE 2026 ba Diretór sira iha Kovalima
KOVALIMA, 16 Janeiru 2026, ( TATOLI) – Sekretáriu Munisipál Administrasaun Finansa (SMAF) Alberto Moniz de Araújo, sesta-ne’e, aprezenta lalaok ezekusaun orsamentu Jerál Estadu 2026 ba Diretór Servisu Munisipàl no Administradór Postu Administrativu hitu iha munisípiu Kovalima.
Bazeia ba regra ezekusaun Orsamentu Jerál Estadu 2026 ne’e maka hanesan, regra sira kona-bá kondisaun molok halo ezekusaun orsamentu, regra kona-ba responsabilidade ezekusaun orsamentu, ezekusaun reseita, ezekusaun despeza, ezekusaun despeza espesifiku,monitorizasaun no halo relatoriu, ezekusaun orsamentu ho responsabilidade, regra taka ezersisiu orsamental entrega saldu no arkivu finanseira no ezekusaun despeza sira liuhusi aprovizionamentu no kontratu públiku.
“Molok atu halo ezekusaun orsamentu iha baze legál Lei númeru 3/2025 ,23 Abríl kona-bá enkuadramentu orsamentu Jerál Estadu jestaun finanseira públika,dekretu-lei númeru 42/2025 ,15 Dezembru no dekretu lei númeru 41/2025 ,15 Dezembru ezekusaun orsamentu ba tinan 2026 maka atu guia ita prosesu tomak tuir regra ezekusaun OJE”, Sekretáriu Asuntu Finansa iha Kovalima, Alberto Moniz de Araújo, afirma iha Salaun AMC, ohin.
Sekretáriu ne’e, esplika katak regra sira regula kondisaun molok ezekusaun orsamentál mak hanesan iha konta bankaria rasik no servisu ho entidade setór públiku administrativu sira, iha konta bankária ofisiál rasik ne’ebé loke iha BNCTL hodi deposita reseita sira kobra no realiza pagamentu ba despeza sira.
“Responsável sira ba ezekusaun orsamentál tenke aprezenta espésime asinatura ba Diresaun Jerál Tezouru (DJT) iha loron 10, konta husi loron 1 fulan-Janeiru”, nia afirma.
Planu ezekusaun despeza, Planu ba ezekusaun orsamentál aprezenta kalendáriu despeza husi servisu no entidade setór públiku administrativu nian iha trimestrál ida- idak tuir programa 16, sub programa 40 no atividade 90 .
Orsamentu Jerál Estadu 2026 hamutuk $9,517.979 ne’ebé preve ba saláriu no vensimentu $2.203.227, Sasán no Servisu $841.730, transferensia públika $4.061.558, kapitál menór rihun $300 no kapitál dezenvolvimentu $2.111.464
Jornalista: Celestina Teles
Editór: Florencio Miranda Ximenes
