KOVALIMA, 20 Janeiru 2026 (TATOLI) – Orsamentu Jerál Estadu (OJE) 2025, Governu sentrál aloka mai iha munisípiu Kovalima hamutuk $8,293.634.00 husi orsamentu ne’e nia ezekusaun atinje de’it 92,3% , tanba Autoridade Kovalima devolve orsamentu $626. 865,43 ba kofre Estadu
“Governu sentrál aloka orsamentu jerál Estadu 2025 mai iha munisípiu Kovalima hamutuk $ 8,293.634 00 ne’ebé nia ezekusaun atinji 92,3% no orsamentu $626,865,43, ita devolve fila ba kofre Estadu”, Sekretáriu Munisipál Administrasaun Finansa (SMAF), Alberto Moniz de Araújo, informa ba jornalista sira iha AMC ohin.
Razaun Autoridade devolve orsamentu hamutuk $626,865.43, tanba implementasaun programa merenda eskolár tarde iha trimestre dahuluk la konsege ezekuta no transferénsia orsamentu tarde entaun tenke devolve orsamentu.
Governu sentral aloka OJE 2025 mai iha Kovalima hamutuk $8,293.634 00 ne’ebé fahe ba kategoria ba salariu no vensimentu $2,695,872.00 ne’ebé nia ezekusaun kompromisaun no obligasaun jero, real ne’e maka $2,508,554.31 nia saldo $187,317.69, taxa ezekusaun atinje 93,1%, bens no servisu no korente hamutuk $868,220.00 husi orsamentu ne’e kompromisiu 7,789.00, obligasaun$ 91,687.46, real $710,088.89 , saldo 58,654.65 ho ezekusaun atinje 92,3%.
Aleinde ne’e kategoria ba tranferénsia Públika hamutuk $3.729,668.00 nia kompromisiu zero, obligasaun $21.215.00, real $3,359,567.23, saldo $348,885.77 ho nia ezekusaun atinje pursentu 90,6% , kapital menór $153,000.00 husi orsamentu ne’e komprimisu $5,093.99, obligasaun zero, real $147,355.50, saldo $550.51 ezekusaun atinje 96,3% no kapitál dezenvolvimentu $846,874.00 ho kompromisu zero, obligasaun $89,723.64, real $725.693,51 no saldo $ 31,456.81, nune’e nia ezekusaun atinje 96,3%.
Nia esplika orsamentu kapitál dezenvolvimentu autoridade ezekuta ba projetu sira hanesan konstrusaun irrigasaun iha fatuk-ahu ho nia valór orsamentu $174,340.14, Konstruisaun Sentru Saúde Komunitáriu iha postu administrativu Fatumea nia orsamentu $394,482.63, projetu reapropriasaun, konstrusaun rezidénsia ba pesoál saúde Dato Tolu, postu administrativu Fohorem no konstrusaun Jardim Sesurai uza osamentu poupansa $80,210.99.
“ Durante ezekuta OJE autoridade Kovalima la hasoru difikuldade, maibé husi postu administrativu sira maka submete pedidu tarde, nune’e ita tenke komprende tanba seidauk domina ezekusaun orsamentu no ami nafatin fó hanoin liuhusi fasilita formasaun,” nia dehan.
Jornalista: Celestina Teles
Editór: Florencio Miranda Ximenes
