DILI, 20 Janeiru 2026 (TATOLI)–Koordenadór Gabinete Kurríkulu Unidade Nasionál Ministériu Edukasaun (ME), João Maupelu hateten tinan-ne’e Disiplina Fraternidade Umana ho disiplina seluk hahú ona implementa iha ensinu báziku iha territóriu.
“Tinan ne’e ita ho kurríkulu foun ne’ebé mak implementa ona ho matéria Fraternidade Umana ho disiplina sira seluk ba ensinu báziku sétimu anu nian,” Maupelo dehan ba jornalista sira iha nia kna’ar fatin, Vila Verde, Tersa ne’e.
Maupelo esplika matéria sira-ne’ebé sei aplika iha ensinu báziku mak kona-ba koñesimentu dezenvolvimentu linguístiku kompostu husi língua tetun, portugés, inglés. Dezenvolvimentu siéntífiku mak matemátika, siénsia naturál no siénsia sosiál. Dezenvolvimentu pesoál no sosiál mak fraternidade umanu, morál no étika, arte kultura, edukasaun fízika, saúde, ben-estar no relijiaun.
Fraternidade Umana
Programa Fraternidade Umana bele refere ba inisiativa sira-neʼebé promove konvivénsia pasífika no kooperasaun entre ema sira, hanesan selebrasaun Loron Internasionál Fraternidade Umana nian, ne’ebé estabelese husi ONU hodi halo akompañamentu ba Dokumentu Fraternidade Umana nian ne’ebé asina husi Papa Francisco no Grande Imam hosi Al-Azhar iha tinan 2019. Refere mós ba eventu ida iha Vátikanu no iha Romanu.
Enkontru Mundiál kona-ba Fraternidade Umana, ne’ebé foin lalais ne’e akontese iha loron 12-13 Setembru 2025, ho objetivu atu diskute kona-ba fraternidade nu’udár valór universál.
Konseitu prinsipál sira-ne’ebé relasiona ho termu, dokumentu Fraternidade Umana (2019)
Deklarasaun konjunta ida-ne’ebé asina iha Abu Dhabi husi Papa Francisco no Grande Imam hosi Al-Azhar, ne’ebé promove toleránsia, konvivénsia pasífika no diálogu entre relijiaun no kultura oioin.
Loron Internasionál ba Fraternidade Umana, selebra iha loron 04 fulan-Fevereiru. Loron ne’e estabelese husi ONU iha tinan 2020 hodi subliña importánsia husi Dokumentu Fraternidade Umana no promove pás, solidariedade no respeitu ba diferensa sira.
Enkontru Mundiál kona-ba Fraternidade Umana 2025
Eventu ida-ne’ebé promove husi Bazílika São Pedro no instituisaun sira seluk husi Santa Sé, ne’ebé hala’o iha loron 12-13 fulan-Setembru 2025, ho objetivu atu reflete no atua ba mundu ida-ne’ebé justu no armoniozu-liu liuhosi fraternidade.
Fraternidade Umana ho objetivu;
- Atu promove toleránsia no diálogu entre relijiaun no kultura oioin.
- Atu hasa’e konxiénsia kona-ba nesesidade ba polítika sira-ne’ebé haburas konvivénsia pasífika.
- Atu enkoraja asaun konkretu sira-ne’ebé promove unidade no respeitu ba malu.
- Atu konvida ema atu hola papél ativu hodi harii mundu ida-ne’ebé justu liu.
Programa Fraternidade Umana mak konseitu luan ida-ne’ebé abranje inisiativa sira, deklarasaun sira no eventu sira-ne’ebé buka atu promove unidade, respeitu no kooperasaun entre ema hotu-hotu, la haree ba sira-nia orijen ka fiar sira.
Jornalista: Osória Marques
Editór: Xisto Freitas da Piedade
