KOVALIMA, 23 janeiru 2026 (TATOLI)-Autoridade Munisipál Kovalima hamutuk ho lia-na’in, hosi postu administrativu hitu daudaun ne’e, aprova ona perfíl no lema munisípiu Kovalima ninian hodi utiliza iha futuru.
Prezidente Autoridade Munisípiu Kovalima, Miguel Armanda Cardoso, esplika istória Kovalima iha versaun oi-oin ne’ebé hateten Inan no Aman maka maihosi Fohoren no Fohoren nia-oan sira maka Fatumea Dakolo Sisi Maudemo no Lokeu, Versaun seluk Fohoren Nutetuk, Fatululik ne’ebé ho naran koiñesidu Taroman, Fatumea, Suai no Wehali, no símbolu Kova ho modelu kuadradu ne’ebé reprezenta liurai oan na’in lima.
“Molok atu aprova autoridade rona uluk idea hosi lia-na’in sira postu hitu nian maka hodi deside lema Kova ho modelu segi empat iha nia kenan no iha matan atu taka ita hadi’a ida-ne’e, antes ne’e, ita uza kova uma adat maka taka tuir loloos maka mai husi lia na’in,” Nia hateten ba jornalista sira iha Salaun AMC.
Kona-bá lema Kovalima, antes ne’e maka hamutuk hanoin futuru, maibé liuhosi sorumutu ho lia-na’in sira hosi postu administrativu hitu deside lema munisípiu nian maka “Suli- mutu tau mutu ba Kovalima nia illãs,”tenik tan.
Autoridade Kovalima hamutuk ho autoridade postu administrativu, Xefe Suku no lia-na’in sira liuhosi votasaun deside sei harii Kovalima ida iha antiga merkadu Suai entre Igreja Ave Maria Suai hodi harii rotunda no tau illás Kovalima nune’e Kova hada tuir ninia fatin no fitun hitu reprezenta postu administrativu hitu.
Jornalista: Celestina Teles
Editór: Florencio Miranda Ximenes
